Fréttir

Íbúafundur um unglingalandsmót UMFÍ, sem haldið verður á Egilsstöðum um verslunarmannahelgina, fer fram í Þingmúla Valaskjálf þriðjudaginn 18. júlí klukkan 18:00. Fundurinn átti upphaflega að vera klukkan 20:00 er er flýtt vegna landsleiks kvenna í knattspyrnu

Bæjarstjórn Fljótsdalshéraðs samþykkti á fundi sínum þann 21.06.2017 að auglýsa tillögu að nýju deiliskipulagi fyrir Álfaás í landi Ketilsstaða 1 og 2. Auglýsingin er í samræmi við 1 mgr. 41. gr. skipulagslaga nr. 123/2010.

Bæjarstjórn Fljótsdalshéraðs samþykkti á fundi sínum þann 21.06.2017 að auglýsa tillögu að breytingu á Aðalskipulagi Fljótsdalshéraði 2008-2028 vegna áforma um gistiþjónustu í landi Ketilsstaða.

Bæjarstjórn Fljótsdalshéraðs samþykkti á fundi sínum þann 07.06.2017 breytingu á aðalskipulagi. Auglýsingin er í samræmi við 2 mgr. 36. gr. skipulagslaga nr. 123/2010. Í breytingunni felst að gerð er breyting á landnotkun á landi Stóruvíkur.

Fljótsdalshérað og Félag skógarbænda á Austurlandi efndu til samkeppni um listaverk úr trjáviði á Skógardeginum mikla sem fram fór í Hallormsstaðaskógi, laugardaginn 24. júní. Verkin voru þar til sýnis og gátu gestir Skógardagsins tekið þátt í kosningu um þau verk sem þeim þóttu best.

Úthlutun leikskólaplássa á leikskólum Fljótsdalshéraðs vorið 2017 er nú að fullu lokið og öllum foreldrum sem fengu úthlutun hefur verið sendur tölvupóstur með upplýsingum um upphaf leikskólagöngu barna sinna. Þeir sem ekki hafa fengið svör verða áfram á umsóknarlista.

Íbúum og gestum Fljótsdalshéraðs er beint á að vegna viðburða á Sumarhátíðinni verður sundlaugin á Egilsstöðum lokuð frá klukkan 10 til 14 á laugardaginn. Eins verður hluta stíga í Selskógi lokað á sunnudag milli klukkan 14 og 16.

Sumarhátíð UÍA og Síldarvinnslunnar fer fram á Egilsstöðum 7. – 9. júlí. Dagskrá hátíðarinnar er einkar fjölbreytt og glæsileg og alveg ljóst að íþróttafólk á öllum aldri, og jafnvel örgustu antisportistar ættu að geta fundið eitthvað við sitt hæfi.

Unglingalandsmót UMFÍ verður haldið á Egilsstöðum um verslunarmannahelgina. Landmótið er vímulaus fjölskylduhátíð sem haldin er í samstarfi við Ungmennafélag Íslands og Ungmenna- og íþróttasamband Austurlands. Leitað er eftir sjálfboðaliðum til að aðstoða við mótið.

Deiliskipulag vegna Möðrudals var birt í B-deild Stjórnartíðinda 15. júní 2017 og öðlaðist þá þegar gildi.