Fréttir

Áramótabrenna verður að venju tendruð klukkan 16:30 á gamlársdag á Egilsstaðanesi. Að gefnu tilefni er vakin athygli á því að ekki er tekið við timbri í brennuna frá og með deginum í dag, 29. desember.

Á jólaþemadegi í Fellaskóla fór fram keppni um Ómarsbjölluna en sem kunnugt er hún varðveitt í vetur á Fljótsdalshéraði eftir frækinn sigur liðsins í Útsvari síðastliðið vor. Öllum nemendum skólans var skipt upp í fimmtán lið og voru 7 nemendur á öllum aldri í hverju liði.

Bæjarskrifstofur Fljótsdalshéraðs verða lokaðar á Þorláksmessu, vegna orlofstöku starfsmanna. Aðra virka daga um hátíðarnar verða skrifstofurnar opnar með hefðbundnum hætti. Margir starfsmenn nýta sér þó þennan tíma til að taka ónýtta orlofsdaga, svo að búast má við skertri þjónustu af þeim sökum.

Íþróttamiðstöðin á Egilsstöðum lokar klukkan 17 á Þorláksmessu og þar verður lokað á aðfangadag, jóladag, annan í jólum og nýjársdag. Þá verður sundlaugin lokuð á gamlársdag en opið í Héraðsþreki frá 10 til 12.

Að venju verður boðið upp á bæjarstjórnarbekkinn á jólamarkaði Barra á Valgerðarstöðum. Íbúar sveitarfélagsins eru hvattir til að nota tækifærið og koma erindum sínum og áherslum á framfæri við bæjarráð.

Umsóknarfrestur um menningarstyrki á árinu 2017 rennur út 16. desember.

Á síðasta fundi bæjarstjórnar Fljótsdalshéraðs var samþykkt að jólaleyfi bæjarstjórnar verði að þessu sinni frá og með 8. desember 2016 og til og með 4. janúar 2017.

248. fundur bæjarstjórnar Fljótdalshéraðs verður haldinn í fundarsal bæjarstjórnar, miðvikudaginn 7. desember 2016 og hefst hann klukkan 17:00. Hægt er að fylgjast með fundinum í beinni útsendingu á netinu með því að fara inn á vefsvæði sem heitir Bæjarstjórn í beinni. Þar er einnig hægt að skoða upptökur af síðustu fundum.

Sveitarfélagið Fljótsdalshérað kallar eftir ábendingum frá íbúum sveitarfélagsins vegna gerðar nýrrar umferðaröryggisáætlunar. Íbúar eru hvattir til að taka virkan þátt með því að senda inn ábendingar fyrir 13. janúar 2017

Verkefnið Dyrfjöll – Stórurð, gönguparadís hlaut Umhverfisverðlaun Ferðamálstofu fyrir árið 2016. Verðlaunin voru afhent á Ferðamálaþingi sem haldið var í Hörpu í gær, 30. nóvember. Verkefnið var unnið í samstarfi tveggja sveitarfélaga, Borgarfjarðarhrepps og Fljótsdalshéraðs,