Jól og áramót – opnunartími og viðburðir

Útsýni úr glugga á afgreiðslu Fljótsdalshéraðs nokkrum dögum fyrir jól

Bæjarskrifstofur Fljótsdalshéraðs verða lokaðar á Þorláksmessu, vegna orlofstöku starfsmanna. Aðra virka daga um hátíðarnar verða skrifstofurnar opnar með hefðbundnum hætti. Margir starfsmenn nýta sér þó þennan tíma til að taka ónýtta orlofsdaga, svo að búast má við skertri þjónustu af þeim sökum.

Hið árlega jólaball sem haldið er á vegum Lionsklúbbsins Múla og Fljótsdalshéraðs
verður í íþróttahúsinu í Fellabæ þriðjudaginn 27. desember frá klukkan 17 til 19.

Áramótabrennan sem haldin er í samstarfi Björgunarsveitarinnar og Fljótsdalshéraðs verður á Egilsstaðanesi 31. desember. Kveikt verður í brennunni klukkan 16:30 og flugeldasýningin hefst klukkan 17:00.

Þrettándagleði og álfabrenna sem haldin er í samstarfi Hattar og Fljótsdalshéraðs verður í Tjarnargarðinum á Egilsstöðum 6. janúar. Skrúðganga og blysför verður frá íþróttamiðstöðinni klukkan  17:15, en kveikt verður í brennunni um klukkan 17:30.