Fréttir

Haraldur Gústafsson úr SkAust varð nýverið Íslandsmeistari í bogfimi með sveigboga. Þetta er fyrsti titill Haraldar utanhúss í opnum flokki en hann hefur verið í fremstu röð bogfimimanna hér á landi undanfarin ár. Guðný Gréta Eyþórsdóttir vann einnig til verðlauna á mótinu.

Á fundi undirbúningsstjórnar um sameiningu sveitarfélaganna Borgarfjarðarhrepps, Djúpavogshrepps, Fljótsdalshéraðs og Seyðisfjarðarkaupstaðar sem haldinn var þriðjudaginn 21. júlí 2020 var samþykkt að ganga til samninga við Hugrúnu Hjálmarsdóttur um starf framkvæmda- og umhverfisstjóra og Sigrúnu Hólm Þórleifsdóttur um starf verkefnastjóra mannauðsmála í sameinuðu sveitarfélagi.

Minnt er á að hefðbundin sumarlokun bæjarskrifstofu Fljótsdalshéraðs er frá og með mánudeginum 20. júlí og til með föstudeginum 31. júlí. Þann tíma verður þó svarað í síma bæjarskrifstofunnar 4700700 á hefðbundnum opnunartíma og reynt að greiða úr brýnum erindum.

Fljótsdalshérað auglýsir eftir tilboðum í þakklæðningar og burðarvirki í Sláturhúsinu menningarmiðstöð á Egilsstöðum.

Vegna sveitarstjórnarkosninga í sameinuðu sveitarfélagi Borgarfjarðarhrepps, Djúpavogshrepps, Fljótsdalshéraðs og Seyðisfjarðarkaupstaðar sem fram fara þann 19. september og utankjörfundaratkvæðagreiðslna sem hefjast 25. júlí nk. geta þeir námsmenn sem áttu síðast skráð lögheimili á Íslandi í umræddum sveitarfélögum sótt um að vera teknir á kjörskrá.

Vegagerðin undirbýr jarðgangagerð undir Fjarðarheiði. Markmið framkvæmdarinnar er að bæta vegasamgöngur milli Seyðisfjarðar og annarra byggðarlaga, einkum að vetrarlagi, auka umferðaröryggi og bæta sambúð vegar og umferðar við íbúa og umhverfi. Í tengslum við framkvæmdir vegna Fjarðarheiðarganga hefur Vegagerðin jafnframt skoðað að færa Hringveginn út fyrir þéttbýlið á Egilsstöðum.

Seinni sumarsýning Menningarmiðstöðvar Fljótsdalshéraðs verður opnuð í Sláturhúsinu laugardaginn 18. júlí klukkan 16. Sýningin ber nafnið LAND og er samsýning 6 myndlistamanna sem vinna öll með ljósmyndina sem miðil.

Hallormsstaðaskóli á Fljótsdalshéraði býður upp á heilsársnám á sjálfbærni og sköpunarbraut og leggur áherslu á siðfræði náttúrunytja og ábyrga neyslu.

Í desember fór af stað tilraunaverkefni á vegum Umhverfisstofnunar og Úrvinnslusjóðs sem fólst í því að setja sérstaka söfnunarkassa í nokkrar verslanir á landinu, m.a. Bónus og Nettó á Egilsstöðum. Kassarnir eru hannaðir til að taka á móti litlum raftækjum, rafhlöðum og ljósaperum.

Á fundi bæjarráðs Fljótsdalshéraðs þann 6. júlí sl. var tekið fyrir erindi frá byggðaráði Skagafjarðar vegna opinbera starfa á landsbyggðinni og eftirfarandi bókun gerð: Bæjarráð Fljótsdalshéraðs tekur undir bókun byggðaráðs sveitarfélagsins Skagafjarðar, þar sem fjölgun opinberra starfa hjá Húsnæðis- og mannvirkjastofnun á Sauðárkróki er fagnað.