Fréttir

Á morgun fimmtudaginn 1. september breytist opnunartími Sundlaugarinnar á Egilsstöðum. Þar verður opnað klukkan 6:30 virka daga og lokað klukkan 20:30 en laugardag og sunnudaga verður opið frá klukkan 10:00 til 17:00.

Félagsmiðstöðin Nýung er að hefja starfsemi sína eftir sumarfrí. Fyrsta opnunin verður mánudaginn 29. ágúst klukkan 19:30-22:00. Fastar opnanir fyrir unglinga í 8.-10. bekk verða á mánudögum og miðvikudögum frá klukkan 19:30–22:00 og á föstudögum frá klukkan 19:30-22:30.

Lokasýning írsk-íslensks ungmennaskiptaverkefnis verður í Sláturhúsinu á Egilsstöðum á morgun. Hóparnir hafa tekist á við bæði andlegar og líkamlegar áskoranir sem þau gera skil á lokasýningunni.

Rathlaupafélagið Hekla verður með æfingu í Selskógi á morgun fimmtudag, 25. ágúst. Brautir við allra hæfi (1, 2 og 3 km langar) og allir velkomnir. Notast verður við rafrænan tímatökubúnað.

Vetraráætlun almenningssamgangna á Fljótsdalshéraði tók gildi 22. ágúst.

Á föstudaginn voru veittar viðurkenningar fyrir skreytingar á Ormsteiti. Að þessu sinni ákvað dómnefnd að íbúar efri hæðarinnar á Lagarási 12 skyldu hljóta viðurkenningu fyrir besta skreytta húsið. Skreytingar þar væru frumlegar og áberandi.

241. fundur bæjarstjórnar Fljótdalshéraðs verður haldinn í fundarsal bæjarstjórnar, miðvikudaginn 17. ágúst 2016 og hefst hann kl. 17.00. Hægt er að fylgjast með fundinum í beinni útsendingu á netinu.

Sunnudagurinn 14. ágúst er hinn skemmtilegi Fljótsdalsdagur. Dagskráin þennan dag fer fram í Fljótsdalnum en einnig í Vallanesi.

Laugardagurinn 13. ágúst hefst með því að keppendur í Tour de Ormurinn verða ræstir af stað við N1 klukkan 9:00. Hjólað er í kringum Lagarfljótið og eru tvær vegalengdir í boði, 103 og 68 kílómetrar. Hvatt er til þess menn fjölmenni þegar keppendur fara af stað og koma aftur í markið við N1, en gert er ráð fyrir að þeir fyrstu komi í mark um klukkan 11:00.

Föstudagurinn 12. ágúst er helgaður hverfagrilli, karnivali og hverfaleikum. Gert er ráð fyrir að hvert hverfi fyrir sig ákveði hvaða fyrirkomulag verður á hinu hefðbundna grilli sem gert er ráð fyrir að hefjist klukkan 17:00.