Jafnréttisnefnd

Jafnréttisnefnd er ein af fastanefndum Fljótsdalshéraðs og flokkast sem C-nefnd. Um réttindi og skyldur fastanefnda er fjallað í samþykktum fyrir viðkomandi nefnd, í VI. kafla samþykktar um stjórn og fundarsköp Fljótsdalshéraðs og í 37. og 40.-53. gr. sveitarstjórnarlaga nr. 138/2011.

Jafnréttisnefnd er skipuð 3 fulltrúum og jafnmörgum til vara, sem kosnir eru af bæjarstjórn. Nefndin er skipuð á grundvelli 12. gr. laga nr. 10/2008 um jafna stöðu og jafnan rétt karla og kvenna og er ætlað að fjalla um jafnrétti kynjanna í samræmi við fyrirmæli framangreindra laga.

Formaður jafnréttisnefndar gerir tillögu að dagskrá funda í samráði við starfsmann nefndarinnar, boðar til funda og stýrir þeim. Nefndin fundar að jafnaði fjórum sinnum á ári og er boðað til funda þegar þurfa þykir.

 Samþykkt fyrir jafnréttisnefnd

 Samþykkt um stjórn og fundarsköp

 Launakjör bæjarfulltrúa og nefndafólks

 Jafnréttisáætlun Fljótsdalshéraðs

 Jafnréttisáætlun Fljótsdalshéraðs - Framkvæmdaáætlun