Eignasjóður

Eignasjóður Fljótsdalshéraðs er rekinn sem sjálfstæð bókhaldseining innan A-hluta sveitarfélagsins.  Tekjur hans eru að mestu bókfærð leiga allra fasteigna í eigu Fljótsdalshéraðs, nema félagslegra íbúða, sem reiknuð er út eftir ákveðinni formúlu ár hvert.

Þessar reiknuðu tekjur eiga síðan að standa undir afborgun lána sem hvíla á eignunum, tryggingum, fasteignagjöldum og svo öllu viðhaldi þeirra og umsjá. Með því að færa slíka fasta ákveðna leigu á hverja húseign eru útgjöldin stofnanna og deilda fyrirsjáanleg og sveiflur í kostnaði við viðhald jafnast út í gegnum Eignasjóðinn.  Umsjónarmaður fasteigna annast utanumhald Eignasjóðs og áætlanagerð, en bókhald hans er hluti af öðru bókhaldi sveitarfélagsins.