Fréttir

288. fundur bæjarstjórnar Fljótdalshéraðs verður haldinn í fundarsal bæjarstjórnar miðvikudaginn 6. febrúar 2019 og hefst hann klukkan 17:00. Hægt er að fylgjast með fundinum í beinni útsendingu á netinu með því að fara inn á vefsvæði sem heitir Bæjarstjórn í beinni. Þar er einnig hægt að skoða upptökur af síðustu fundum.

Guðjón Hilmarsson hefur verið ráðinn vallastjóri Vilhjálmsvallar og Fellavallar á Fljótsdalshéraði. Starf vallastjóra er nýtt starf hjá sveitarfélaginu, en undanfarin ár hefur umsjón og umhirða íþróttavallanna verið leyst með samningi við Hött rekstrarfélag sem hefur að mestu séð um verkefnið.

Vakin er athygli á því að frá og með 1. febrúar 2019 lengist opnunartími um helgar í Íþróttamiðstöðinni á Egilsstöðum. Opið verður til klukkan 18 laugardaga og sunnudaga allt árið um kring, en ekki eingöngu á sumrin eins og verið hefur.

Boðið verður upp á rappnámskeið í Sláturhúsinu menningarsetri fyrir stúlkur og kynsegin krakka frá 13 ára aldri helgina 9. og 10 febrúar. Leiðbeinendur verða þær Ragga Hólm, Steinunn Jóns og Þura Stína úr Reykjavíkurdætrum.

Nokkrar mannabreytingar eiga sér stað um þessar mundir á bæjarskrifstofunum. Fyrst ber þess að geta að þær Sveinbjörg Sveinbjörnsdóttir skjalastjóri og Guðlaug Bachman þjónustufulltrúi hjá félagsþjónustunni eru að láta af störfum og eru þeim færðar hinar bestu þakkir fyrir margra ára þjónustu við íbúa sveitarfélagsins og ánægjulegt samstarf.

Á heimasíðu ASÍ er að venju á þessum árstíma frétt með yfirliti yfir leikskólagjöld á nýbyrjuðu ári hjá fjölmörgum sveitarfélögum. Í fréttinni var rangt farið með breytingar á leikskólagjöldum á Fljótsdalshéraði, þar sem m.a. var fullyrt að hækkun sé á fæðisgjöldum í leikskólum um áramót, en hið rétta er að engin hækkun var á fæðisgjöldum.

287. fundur bæjarstjórnar Fljótdalshéraðs verður haldinn í fundarsal bæjarstjórnar miðvikudaginn 16. janúar 2019 og hefst hann klukkan 17:00. Hægt er að fylgjast með fundinum í beinni útsendingu á netinu með því að fara inn á vefsvæði sem heitir Bæjarstjórn í beinni.

Auglýstir eru til umsóknar styrkir úr Atvinnumálasjóði Fljótsdalshéraðs, með umsóknarfresti til og með 16. janúar 2019. Markmið sjóðsins er að efla atvinnutengda starfsemi og búsetu á Fljótsdalshéraði.

Um leið og sveitarfélagið óskar íbúum gleðilegs nýs ár, minnum við alla á að hreinsa upp rusl úr flugeldum og skotkökum sem þeir notuðu til að fagna nýju ári og eins á þrettándanum.

Íþróttafólk Hattar 2018 var heiðrað á hinni árlegu þrettándagleði sem fram fór í gær.