Fréttir

Námsefni Minjasafns Austurlands hefur verið í vinnslu og þróun um nokkurt skeið í samstarfi við Unni Maríu Sólmundsdóttir sem á og rekur námsefnisgagnabankann Kennarinn.is. Um er að ræða 10 námsefnispakka, einn fyrir hvern bekk grunnskólans. Fjallað er um mismunandi efni í hverjum pakka en allir tengjast þeir safnkosti Minjasafnsins eða sögu Austurlands.

Umhverfis- og framkvæmdanefnd hefur ákveðið að halda stefnumótunarfund varðandi breytingu á deiliskipulagi fyrir Selskóg þann 11. desember nk. Til fundarins er boðið öllum þeim sem hafa áhuga á Selskógi.

Þess hefur víða og með margvíslegum hætti verið minnst á þessu ári að 100 ár eru liðin síðan Ísland varð fullvalda ríki. Hátíðardagskrá verkefnisins „Austfirskt fullveldi - sjálfbært fullveldi?“ verður í Menntaskólanum á Egilsstöðum laugardaginn 1. desember frá klukkan 13 til 15.

Þann 1. janúar 2019 taka í gildi ný lög um lögheimili og aðsetur. Í greinargerð með lögunum kemur fram að meginreglan verði sú að tilkynningar um lögheimilisskráningar skuli berast með rafrænum hætti.

Atvinnu- og menningarnefnd Fljótsdalshéraðs auglýsir til umsóknar styrki til menningarstarfs með umsóknarfresti til og með 16. desember 2018. Umsækjendur verða að tengjast Fljótsdalshéraði með búsetu, eða með því að viðburðurinn fari fram á Fljótsdalshéraði eða feli í sér kynningu á menningarstarfsemi á Fljótsdalshéraði. Stefnt er að því að afgreiðsla styrkumsókna muni liggja fyrir fyrir 1. febrúar 2019.

Tillaga fjárhagsáætlunar fyrir árið 2019 ásamt 3ja ára áætlun fyrir 2020-2022 lögð fram til seinni umræðu í bæjarstjórn Fljótsdalshéraðs á fundi þann 21. nóvember 2018 klukkan 17:00.

Nú fer hver að verða síðastur að sækja um tómstundaframlag á Fljótsdalshéraði fyrir árið 2018. Application deadline for contribution to children‘s leisure activities in Fljótsdalshérað is December 10th. Termin składania wniosków o dodatek dla dzieci, na dodatkowe zajęcia w naszej gminie Fljótsdalshérað, upływa 10 grudnia.

Fljótsdalshérað og Landmælingar Íslands gerðu í októbermánuði með sér samstarfssamning sem miðar að því að vinna saman að því að skrá örnefni á Fljótsdalshéraði og koma þeim í landfræðilegt upplýsingakerfi Landmælinga Íslands.

285. fundur bæjarstjórnar Fljótdalshéraðs verður haldinn í fundarsal bæjarstjórnar miðvikudaginn 21. nóvember 2018 og hefst hann klukkan 17:00. Hægt er að fylgjast með fundinum í beinni útsendingu á netinu með því að fara inn á vefsvæði sem heitir Bæjarstjórn í beinni. Þar er einnig hægt að skoða upptökur af síðustu fundum.

Fyrsta skóflustungan vegna viðbyggingar við Íþróttamiðstöðina á Egilsstöðum fer fram föstudaginn 16. nóvember klukkan 15. Í viðbyggingunni er einkum gert ráð fyrir aðstöðu til fimleika- og frjálsíþróttaiðkunar.