Fréttir

Urriðavatnssund 2017 var þreytt í á laugardaginn við erfiðar aðstæður, norðanblástur og rigningu. Töluverð alda var því á vatninu. Vegalengdir voru styttar nokkuð svo öryggi keppenda yrði tryggt. Alls hófu 99 manns sundið og 91 lauk því.

Keppendur eru enn að skrá sig til þátttöku á Unglingalandsmót UMFÍ á Egilsstöðum um verslunarmannahelgina. Frestur til að skrá sig, ungmenni og vini á mótið rennur út á miðnætti á þriðjudagskvöld.

Á fundi bæjarstjórnar 5. apríl 2017 var samþykkt að sumarlokun bæjarskrifstofu Fljótsdalshéraðs verði með sama móti og undanfarin ár. Að þessu sinni verður lokunin frá og með 24. júlí til og með 4. ágúst.

Þriðjudaginn 18. júlí var haldinn íbúafundur í Valaskjálf, til upplýsingar fyrir Unglingalandsmót UMFÍ sem haldið verður á Egilsstöðum um verslunarmannahelgina.

Bókun bæjarráðs Fljótsdalshéraðs varðandi þjóðveg 1 í Skriðdal og heilsársveg um Öxi.

Íbúafundur um unglingalandsmót UMFÍ, sem haldið verður á Egilsstöðum um verslunarmannahelgina, fer fram í Þingmúla Valaskjálf þriðjudaginn 18. júlí klukkan 18:00. Fundurinn átti upphaflega að vera klukkan 20:00 er er flýtt vegna landsleiks kvenna í knattspyrnu

Bæjarstjórn Fljótsdalshéraðs samþykkti á fundi sínum þann 21.06.2017 að auglýsa tillögu að nýju deiliskipulagi fyrir Álfaás í landi Ketilsstaða 1 og 2. Auglýsingin er í samræmi við 1 mgr. 41. gr. skipulagslaga nr. 123/2010.

Bæjarstjórn Fljótsdalshéraðs samþykkti á fundi sínum þann 21.06.2017 að auglýsa tillögu að breytingu á Aðalskipulagi Fljótsdalshéraði 2008-2028 vegna áforma um gistiþjónustu í landi Ketilsstaða.

Bæjarstjórn Fljótsdalshéraðs samþykkti á fundi sínum þann 07.06.2017 breytingu á aðalskipulagi. Auglýsingin er í samræmi við 2 mgr. 36. gr. skipulagslaga nr. 123/2010. Í breytingunni felst að gerð er breyting á landnotkun á landi Stóruvíkur.

Fljótsdalshérað og Félag skógarbænda á Austurlandi efndu til samkeppni um listaverk úr trjáviði á Skógardeginum mikla sem fram fór í Hallormsstaðaskógi, laugardaginn 24. júní. Verkin voru þar til sýnis og gátu gestir Skógardagsins tekið þátt í kosningu um þau verk sem þeim þóttu best.