Fréttir

Á fundi bæjarstjórnar Fljótsdalshéraðs þann 5. desember 2018 var staðfest tillaga íþrótta- og tómstundanefndar um hækkun gjaldskrár Íþróttamiðstöðvarinnar á Egilsstöðum.

Minnum íbúa Fljótsdalshéraðs á bæjarstjórnarbekkinn, sem líkt og undanfarin ár verður settur upp á Jólakettinum 2018 (Barra- markaðinum), en hann verður haldinn laugardaginn 15. desember að Valgerðarstöðum frá klukkan 10:00 til 16:00.

Á fundi samstarfsnefndar um sameiningu sveitarfélaganna Borgafjarðar eystri, Djúpavogshrepps, Fljótsdalshéraðs og Seyðisfjarðarkaupstaðar, sem haldinn var þriðjudaginn 4. desember 2018, var samþykkt samhljóða að ganga til samninga við RR ráðgjöf varðandi verkefnastjórn og vinnu við stöðumat og framtíðarsýn.

286. fundur bæjarstjórnar Fljótdalshéraðs verður haldinn í fundarsal bæjarstjórnar miðvikudaginn 5. desember 2018 og hefst hann klukkan 17:00. Hægt er að fylgjast með fundinum í beinni útsendingu á netinu með því að fara inn á vefsvæði sem heitir Bæjarstjórn í beinni. Þar er einnig hægt að skoða upptökur af síðustu fundum.

Námsefni Minjasafns Austurlands hefur verið í vinnslu og þróun um nokkurt skeið í samstarfi við Unni Maríu Sólmundsdóttir sem á og rekur námsefnisgagnabankann Kennarinn.is. Um er að ræða 10 námsefnispakka, einn fyrir hvern bekk grunnskólans. Fjallað er um mismunandi efni í hverjum pakka en allir tengjast þeir safnkosti Minjasafnsins eða sögu Austurlands.

Umhverfis- og framkvæmdanefnd hefur ákveðið að halda stefnumótunarfund varðandi breytingu á deiliskipulagi fyrir Selskóg þann 11. desember nk. Til fundarins er boðið öllum þeim sem hafa áhuga á Selskógi.

Þess hefur víða og með margvíslegum hætti verið minnst á þessu ári að 100 ár eru liðin síðan Ísland varð fullvalda ríki. Hátíðardagskrá verkefnisins „Austfirskt fullveldi - sjálfbært fullveldi?“ verður í Menntaskólanum á Egilsstöðum laugardaginn 1. desember frá klukkan 13 til 15.

Þann 1. janúar 2019 taka í gildi ný lög um lögheimili og aðsetur. Í greinargerð með lögunum kemur fram að meginreglan verði sú að tilkynningar um lögheimilisskráningar skuli berast með rafrænum hætti.

Atvinnu- og menningarnefnd Fljótsdalshéraðs auglýsir til umsóknar styrki til menningarstarfs með umsóknarfresti til og með 16. desember 2018. Umsækjendur verða að tengjast Fljótsdalshéraði með búsetu, eða með því að viðburðurinn fari fram á Fljótsdalshéraði eða feli í sér kynningu á menningarstarfsemi á Fljótsdalshéraði. Stefnt er að því að afgreiðsla styrkumsókna muni liggja fyrir fyrir 1. febrúar 2019.

Tillaga fjárhagsáætlunar fyrir árið 2019 ásamt 3ja ára áætlun fyrir 2020-2022 lögð fram til seinni umræðu í bæjarstjórn Fljótsdalshéraðs á fundi þann 21. nóvember 2018 klukkan 17:00.