Fréttir

Nú fer hver að verða síðastur að sækja um tómstundaframlag á Fljótsdalshéraði fyrir árið 2018. Application deadline for contribution to children‘s leisure activities in Fljótsdalshérað is December 10th. Termin składania wniosków o dodatek dla dzieci, na dodatkowe zajęcia w naszej gminie Fljótsdalshérað, upływa 10 grudnia.

Fljótsdalshérað og Landmælingar Íslands gerðu í októbermánuði með sér samstarfssamning sem miðar að því að vinna saman að því að skrá örnefni á Fljótsdalshéraði og koma þeim í landfræðilegt upplýsingakerfi Landmælinga Íslands.

285. fundur bæjarstjórnar Fljótdalshéraðs verður haldinn í fundarsal bæjarstjórnar miðvikudaginn 21. nóvember 2018 og hefst hann klukkan 17:00. Hægt er að fylgjast með fundinum í beinni útsendingu á netinu með því að fara inn á vefsvæði sem heitir Bæjarstjórn í beinni. Þar er einnig hægt að skoða upptökur af síðustu fundum.

Fyrsta skóflustungan vegna viðbyggingar við Íþróttamiðstöðina á Egilsstöðum fer fram föstudaginn 16. nóvember klukkan 15. Í viðbyggingunni er einkum gert ráð fyrir aðstöðu til fimleika- og frjálsíþróttaiðkunar.

Þau í Fellaskóla langar að blása til samkeppni um einkennismerki fyrir skólann. Öllum er boðið að vera með og senda inn tillögu um einkennismerki skólans. Verðlaun eru í boði.

Miðvikudaginn 14. nóvember standa Samfés, samtök félagsmiðstöðva og ungmennahúsa á Íslandi, fyrir félagsmiðstöðvadeginum. Markmið dagsins er að gefa áhugasömum færi á að heimsækja félagsmiðstöðina í sínu nágrenni, kynnast því sem þar fer fram, unglingunum og þeim viðfangsefnum sem þeir fást við með stuðningi starfsfólkins.

Fljótsdalshérað auglýsir tillögu að breytingu á Aðalskipulagi Fljótsdalshéraðs 2008-2028 vegna breyttrar legu Kröflulínu 3, sbr. 1. mgr. 36. gr. skipulagslaga nr. 123/2010 ásamt umhverfisskýrslu skv. lögum um umhverfismat áætlana nr. 105/2006. Línan er fyrirhuguð frá tengivirki við Kröfluvirkjun í Skútustaðahreppi að tengivirki við Fljótsdalsstöð í Fljótsdalshreppi.

Fimmtudaginn 15. nóvember nk. verður haldinn almennur borgarafundur, þar sem fjárhagsáætlun Fljótsdalshéraðs fyrir árið 2019 og þriggja ára áætlun 2020 – 2022 verður kynnt. Gert er ráð fyrir að áætlunin verði tekin til síðari umræðu og afgreiðslu í bæjarstjórn 21. nóvember.

Tillaga fjárhagsáætlunar Fljótsdalshéraðs fyrir árið 2019 ásamt 3ja ára áætlun fyrir 2020-2022 verður lögð fram til fyrri umræðu í bæjarstjórn Fljótsdalshéraðs á fundi í dag þann 7. nóvember og hefst fundur klukkan 17:00.

284. fundur bæjarstjórnar Fljótdalshéraðs verður haldinn í fundarsal bæjarstjórnar miðvikudaginn 7. nóvember 2018 og hefst hann klukkan 17:00. Hægt er að fylgjast með fundinum í beinni útsendingu á netinu með því að fara inn á vefsvæði sem heitir Bæjarstjórn í beinni. Þar er einnig hægt að skoða upptökur af síðustu fundum.