Fréttir

Næstkomandi laugardag 8. september, klukkan 13, verður fyrsta menningarhátíð barna og ungmenna á Austurlandi, Bras, sett í Valaskjálf og einnig í Skaftfelli á Seyðisfirði og Tónlistarmiðstöðinni á Eskifirði á sama tíma. Tónlistarmaðurinn Daði Freyr mun flytja tónlist fyrir börn, ræða við þau og semja tónlist með þeim í beinni á stórum skjá. Dans, tónlist og fleira skemmtilegt verður í boði

Á Bókasafni Héraðsbúa var eins og undanfarin ár sumarlestur fyrir grunnskólakrakka. Dregnir voru út vinningar hálfsmánaðarlega og voru nöfn vinningshafa birt á Facebooksíðu bókasafnins og uppskeruhátíð var haldinn þann 17. ágúst.

Í vetur býður Ungmennafélagið Þristur upp á spennandi tómstundastarf fyrir börn og unglinga. Um er að ræða fjölbreytt og lífleg námskeið annarsvegar í útivist ýmiskonar og hinsvegar fjallahjólreiðum.

Frá og með 1.september breyttist opnunartími í sundlauginni á Egilssstöðum. Virka daga, frá mánudagi til föstudags er opið frá klukkan 6:30 til 20:30 en um helgar frá klukkan 10 til 17.

Snemma sumars samþykkti bæjarstjórn nýja æskulýðsstefnu sveitarfélagsins sem hafði verið í vinnslu í eitt ár. Æskulýðsstefnan leggur áherslu á að börn og ungmenni búi við góða líkamlega og andlega heilsu og hagsmunir þeirra séu hvarvetna í fyrirrúmi.

Plastlaus september er árlegt árvekniátak sem miðar að því að vekja landsmenn til umhugsunar um plastnotkun, þann plastúrgang sem fellur til á heimilum og vinnustöðum og þá ofgnótt plasts sem er í umhverfinu.

280. fundur bæjarstjórnar Fljótdalshéraðs verður haldinn í fundarsal bæjarstjórnar miðvikudaginn 5. september 2018 og hefst hann klukkan 17:00. Hægt er að fylgjast með fundinum í beinni útsendingu á netinu með því að fara inn á vefsvæði sem heitir Bæjarstjórn í beinni. Þar er einnig hægt að skoða upptökur af síðustu fundum.

Minnt er á að útivistartími barna og unglinga breytist 1. september. Í barnaverndarlögum segir að börn, 12 ára og yngri, megi ekki vera á almannafæri eftir klukkan 20:00 nema í fylgd með fullorðnum. Einnig að börn á aldrinum 13 til 16 ára, skuli ekki vera á almannafæri eftir klukkan 22:00, séu þau ekki á heimferð frá viðurkenndri skóla-, íþrótta- eða æskulýðssamkomu.

Líkt og á síðasta ári mun Ferðafélag Íslands standa fyrir lýðheilsugöngum í september. Verkefnið er unnið í samstarfi við sveitarfélög og ferðafélög um land allt. Á Fljótsdalshéraði verður farið frá skrifstofu Ferðafélagins að Tjarnarási 8 klukkan 18 alla miðvikudag í september. Fyrsta gangan verður að Grettistaki í Fellum.

Göngum í skólann er árvisst verkefni sem skólar víðs vegar um heiminn taka þátt í. Verkefnið fer nú af stað í 12. sinn á Íslandi og stendur yfir frá 5. september til 10. október. Megin markmið verkefnisins eru að hvetja börn til að tileinka sér virkan ferðamáta í og úr skóla og auka færni þeirra til að ferðast á öruggan hátt í umferðinni.