Fréttir

Rannsóknasetur Háskóla Íslands á Austurlandi hefur tekið starfa á ný með ráðningu Unnar Birnu Karlsdóttur í starf forstöðumanns. Þetta kemur fram á vefsíðu Stofnunar rannsóknasetra HÍ. Starfið var auglýst í lok mars sl. og ákveðið að ráða Unni Birnu að loknu dómnefndar- og valnefndarferli. Með ráðningu forstöðumanns Rannsóknaseturs HÍ á Austurlandi er stigið afar mikilvægt skref í þróun starfsemi rannsóknasetra Háskóla Íslands um land allt.

Hreyfivika er komin vel af stað og hefur verið vel mætt í fjölbreytta viðburði þessa fyrstu daga. Á þriðjudaginn 29. maí stökk til að mynda vaskur hópur kvenna upp á hjólin sín og hjólaði, undir styrkri stjórn Silju Arnfinnsdóttur, að Urriðavatni. Í dag, fimmtudaginn 31. maí, bjóða Hjólaormar Þristar upp á léttan hjólatúr fyrir alla fjölskylduna

Sú ánægjulega staða er í samfélaginu okkar að leikskólabörnum fjölgar, m.a. vegna þess að óvenju mörg eldri leikskólabörn eru að flytja til okkar. Jafnframt vill svo til að tveir óvenju stórir árgangar verða í leikskólunum á næsta skólaári, bæði 2013 og 2016 árgangarnir eru fjölmennir, en 2013 árgangurinn lýkur sinni leikskólagöngu á næsta skólaári.

Vel var mætt í fjölskyldugöngu upp að Fardagafossi mánudagskvöldið 28. maí, en það var Ungmennafélagið Þristur sem stóð fyrir þeim viðburði.

Mánudagurinn 28. maí er fyrsti formlegi dagur Hreyfiviku 2018, þó svo að vikunni hafi verið þjófstartað með Gönguguðsþjónustu í gærmorgun.

Íþróttamiðstöðin á Egilsstöðum er lokuð dagana 29. til 31. maí. „Nú á að taka allt saman í gegn, þrífa og gera við og undirbúa fyrir sumarið“, segir Karen Erla forstöðukona Íþróttamiðstöðvarinnar. Þetta gildir um sal, sundlaug og Héraðsþrek.

Héraðslistinn og Sjálfstæðisflokkur og óháðir fá þrjá menn hvort framboð í næstu bæjarstjórn Fljótsdalshéraðs. Öll framboðin fjögur koma að manni. Á kjörskrá voru 2560, atkvæði greiddu 1834 eða 71,64%. Kjörsókn er tveimur prósentustigum betri en í síðustu kosningum. Talningu var lokið fyrir miðnætti.

Í næstu viku, 28. maí – 3. júní, verður haldin árleg Hreyfivika UMFÍ. Venju samkvæmt er Hreyfivika, sem hefur það markmið að vekja athygli á gildi íþrótta- og hreyfingar sem hluti af heilbrigðum lífsstíl, haldin um allt land og á Fljótsdalshéraði verður vegleg dagskrá, líkt og hefur verið síðustu ár.

Egilsstaðaskóli verður vettvangur síðustu heimsóknar Háskólalestar Háskóla Íslands í maímánuði þetta árið. Nemendur þriggja skóla á Austurlandi sækja þar námskeið um ólíkar hliðar vísindanna föstudaginn 25. maí og slegið verður upp fjörugri vísindaveislu í Egilsstaðaskóla fyrir alla Austfirðinga laugardaginn 26. maí klukkan 12 til 16.

Ný burst rís við Safnahúsið á Egilsstöðum á næstu árum samkvæmt samningi sem undirritaður var við hátíðlega athöfn í Safnahúsinu í gær. Þá verður aðstaðan í Sláturhúsinu einnig bætt.