Spennandi vetrarstarf UMF Þristar að hefjast

Fyrsta fjallahjólaæfing haustsins hefst í dag, 3. september, klukkan 17

Í vetur býður Ungmennafélagið Þristur upp á spennandi tómstundastarf fyrir börn og unglinga. Um er að ræða fjölbreytt og lífleg námskeið annarsvegar í útivist ýmiskonar og hinsvegar fjallahjólreiðum. 

Markmið útivistarnámskeiðsins er að að kynna fyrir börnum og unglingum þá mörgu og skemmtilegu möguleika sem felast í útivist og töfrum náttúrunnar. Aukinheldur að byggja upp seiglu og jákvætt viðhorf til gagnvart áskorunum og ævintýrum sem leynast við hvert fótmál þegar útivist er annars vegar. Meðal verkefna á námskeiðinu verða útileikir, hjólreiðaferðir, útieldun, fjallgöngur, rötun, listsköpun úr náttúrulegum efniviði og margt fleira.

Hjólreiðastarf Þristar hefur vaxið og dafnað á síðustu árum og hefur Þristur í tvígang átt þátttakendur í WOW Cyclothon. Verður Fjallahjólafjör kennt á mánudögum í vetur og gert út frá Selskógi.

Allar nánari upplýsingar er hægt að fá á vefsíðu Þristar og á Facebooksíðu félagsins.