Fréttir

Sunnudaginn 15. september 2019 opnaði sýningin Þetta vilja börnin sjá! í Menningarmiðstöð Fljótsdalshéraðs - Sláturhúsi. Á sýningunni er hægt að skoða myndskreytingar úr íslenskum barnabókum sem komu út á árinu 2018. Sýningin í Sláturhúsinu stendur til 15. október og er opin á milli 10:00 og 15:00 alla virka daga.

300. fundur bæjarstjórnar Fljótdalshéraðs verður haldinn í fundarsal bæjarstjórnar miðvikudaginn 18. september 2019 og hefst hann klukkan 17:00. Hægt er að fylgjast með fundinum í beinni útsendingu á netinu með því að fara inn á vefsvæði sem heitir Bæjarstjórn í beinni. Þar er einnig hægt að skoða upptökur af síðustu fundum.

Viðtalstímar kjörinna fulltrúa og starfsfólks stjórnsýslu Fljótsdalshéraðs í Samfélagssmiðjunni að Miðvangi 31 (þar sem Fóðurblandan var) verða sem hér segir í vikunni 16.-19. september.

Hápunktur BRAS – menningarhátíðar barna og ungmenna á Austurlandi verður í Íþróttamiðstöðinni á Egilsstöðum laugardaginn 14. september. Boðið verður uppá frábæra dagskrá fyrir alla aldurshópa í íþróttamiðstöðinni og er aðgangur ókeypis. Sama dag verða tónleikar Sinfóníuhljómsveitar Austurlands í Egilsstaðakirkju þar sem Makímús Músíkus verður fluttur.

Í tilefni Ormsteitis verður frír aðgangur í skipulagða tíma í Íþróttamiðstöðinni á Egilsstöðum dagana 16. til 20. september 2019.

Enn er hægt að sjá sumarsýningar MMF í Sláturhúsinu en frá laugardeginum 15. september verður sýningin um Sunnefu eingöngu í boði fyrir skólaheimsóknir, sem hluti af menningarhátíð barna og ungmenna.

Líkt og síðustu ár mun Ferðafélag Íslands standa fyrir lýðheilsugöngum í september. Er verkefnið unnið í samstarfi við sveitarfélög og ferðafélög um land allt.

Viðtalstímar kjörinna fulltrúa og starfsfólks stjórnsýslu Fljótsdalshéraðs í Samfélagssmiðjunni að Miðvangi 31 (þar sem Fóðurblandan var) verða sem hér segir í vikunni 9.-12. september.

Haustið heilsar og um leið ótrúlega fjölbreytt og skemmtilegt tómstundastarf fyrir börn og unglinga á Fljótsdalshéraði. / Jesienią pora na porę dzielenia się informacjami o wszystkich wydarzeniach w Fljótsdalshérað zimą. / Autumn is upon us and with it various activities for children and youth in Fljótsdalshérað.

Verði tillaga um sameiningu Borgarfjarðarhrepps, Djúpavogshrepps, Fljótsdalshéraðs og Seyðisfjarðarkaupstaðar samþykkt er ráðgert að setja upp nýtt stjórnskipulag með stoð í tilraunaákvæði í sveitarstjórnarlögunum. Það ákvæði veitir heimild til að gera breytingar á stjórnskipulagi sveitarfélags með heimild sveitarstjórnarráðuneytisins.