Fréttir

Laugardaginn 26. október næstkomandi fara fram kosningar um sameiningu Borgarfjarðarhrepps, Djúpavogshrepps, Fljótsdalshéraðs og Seyðisfjarðarkaupstaðar. W sobotę 26 października odbędą się wybory dotyczące połączenia miejscowości: Borgarfjardarhreppur, Djupavogshreppur, Fljotsdalsherad oraz Seydisfjardarkaupstadur. Saturday the 26th of October there will be a public vote on the merger of the municipalities of Borgarfjarðarhreppur, Djúpavogshreppur, Fljótsdalshérað og Seyðisfjarðarkaupstaður.

Föstudaginn 25. október klukkan 20 verður sýnd í Sláturhúsinu heimildamyndin Gósenlandið - íslensk matarhefð og matarsaga. Gósenlandið er þriðja kvikmyndin í röð heimildamynda sem kvikmyndafélagið Gjóla ehf hefur framleitt undir stjórn Ásdísar Thoroddsen, sem beinir augum að sögu og verkmenningu á Íslandi.

Nýlega stóð ungmennaráð Fljótsdalshérað fyrir skuggakosningum í Menntaskólanum á Egilsstöðum og í efstu bekkjum grunnskóla á Fljótsdalshéraði og í Seyðisfjarðarkaupstað. Á Djúpavogi var kosið í 1. - 10. bekk.

Viðtalstímar kjörinna fulltrúa og starfsfólks stjórnsýslu Fljótsdalshéraðs í Samfélagssmiðjunni að Miðvangi 31 (þar sem Fóðurblandan var) verða sem hér segir í vikunni 21. til 24. október.

Nýverið skrifuðu tólf iðkendur fimleikadeildar Hattar, ellefu stúlkur og einn piltur, undir afrekssamning. Einkunnarorð afrekshópsins eru heilbrigði, heiðarleiki og dugnaður.

Í liðinni viku hélt Samstarfsnefnd um sameiningu íbúafundi á hverjum stað, auk þess að funda með nemendum í Menntaskólanum á Egilsstöðum. Samtals hafa rúmlega 500 manns sótt fundina, auk á annað hundrað sem hafa fylgst með í streymi.

Kynntar verða niðurstöður úr rannsókninni Hagir og líðan ungs fólks í hátíðarsal Egilsstaðaskóla þriðjudaginn 15. október klukkan 20. Foreldrar barna á aldrinum 12-18 ára eru sérstaklega hvattir til að mæta.

302. fundur bæjarstjórnar Fljótdalshéraðs verður haldinn í fundarsal bæjarstjórnar miðvikudaginn 16. október 2019 og hefst hann klukkan 17:00. Hægt er að fylgjast með fundinum í beinni útsendingu á netinu með því að fara inn á vefsvæði sem heitir Bæjarstjórn í beinni. Þar er einnig hægt að skoða upptökur af síðustu fundum.

Íþrótta- og tómstundanefnd Fljótsdalshéraðs auglýsir til umsóknar styrki til íþrótta- og tómstundastarfs með umsóknarfrest til og með 15. október 2019. Fljótsdalshérað veitir styrki til einstaklinga, hópa, félagssamtaka, fyrirtækja og stofnana til íþrótta- og tómstundatengdra verkefna. Við mat á umsóknum er æskulýðsstefna og jafnréttisstefna Fljótsdalshéraðs höfð til hliðsjónar.

Laugardaginn 12. október gefst gestum og gangandi tækifæri til að skoða tvær sýningar fyrir börn í Sláturhúsinu menningarsetri á Egilsstöðum milli klukkan 11 og 15.