Fréttir

Kammersveitin Stelkur flytur flytur verkið STÓRVAL eftir Charles Ross í Egilsstaðakirkju á sunnudagskvöld klukkan 20:30.

Fyrirhuguð er lagning ljósleiðara á Fljótsdalshéraði, sem veita á öruggt þráðbundið netsamband í dreifbýli sveitarfélagsins. Gert er ráð fyrir að tengja öll lögheimili í sveitarfélaginu. Einnig standi eigendum frístundahúsa og fyrirtækja, sem staðsett eru í dreifbýli Fljótsdalshéraðs, til boða að tengjast ljósleiðaranum. Gert er ráð fyrir að öllum þjónustuveitum verði heimilað að bjóða þjónustu sína á ljósleiðarakerfinu gegn gjaldi.

Á fundi bæjarráðs þann 31.janúar voru tekin fyrir þrjú erindi sem borin voru upp á bæjarstjórnarbekknum sem boðið var upp á Jólamarkaði Barra í desember.

Ágætu íbúar. Nú þegar að nýtt ár er hafið fer vel á því að líta yfir farinn veg og aðgæta hvort þar sé að finna einhverjar vörður til framtíðar og ef svo er þá hverjar. Eins eru þetta hentug tímamót til að horfa til þess sem framundan er.

Í byrjun desember sl. tók Kjartan Róbertsson til starfa hjá Fljótsdalshéraði sem yfirmaður eignasjóðs. Hann tekur við því starfi af Hreini Halldórssyni, sem sinnir nú sem fyrr umsjón með íþróttasvæðum sveitarfélagsins og einnig leigufélaginu Ársölum.

Á fundi atvinnu- og menningarnefndar Fljótsdalshéraðs 23. janúar var samþykkt að styrkja 22 menningarverkefni, en umsóknarfrestur var til og með 16. desember 2016. Alls bárust 29 umsóknir með beiðni um styrki að upphæð yfir 10 milljónum.

Á fundi bæjarstjórnar Fljótsdalshéraðs 1. febrúar 2017, voru samþykktar verklagsreglur Fljótsdalshéraðs vegna umsókna um gistirekstur innan sveitarfélagsins. Þær eru m.a. byggðar á lögum sem sett voru á síðasta ári, en ekki síst miðaðar við fyrirmæli reglugerðar nr. 1277/2016

Fljótsdalshérað hefur samið við Austurbrú um að gera fræðsluáætlun fyrir ófaglærða starfmenn í grunn- og leikskólum sveitarfélagsins. Samningurinn var undirritaður föstudaginn 27. janúar. Gert er ráð fyrir að áætlunin liggi fyrir á vormánuðum.. Það eru fræðslusjóðirnir Sveitamennt og Mannauðssjóður Samflotsins sem fjármagna verkefnið.

Nýsköpunardagur verður haldinn í Egilsstaðaskóla fimmtudaginn 2. febrúar. Nýsköpun hefur verið ein af áherslum skólans undanfarin ár og er dagurinn hluti af því að halda henni á lofti í skólastarfinu.

Nú er lokið álagningu fasteignagjalda fyrir árið 2017 og kröfur vegna 1. gjalddaga af 9 verið stofnaðar í heimabanka. Gjalddagar eru 1. febrúar, 1. mars, 1. apríl, 1. maí, 1. júní, 1. júlí, 1. ágúst, 1. september, og 1. október.