Fréttir

Árshátíð Fellaskóla fór fram fimmtudaginn 6. apríl í íþróttahúsinu í Fellabæ að viðstöddu fjölmenni en alls sóttu ríflega 300 gestir dagskrána. Að henni lokinni var síðan boðið upp á veitingar í Fellaskóla.

Skíðasvæðið í Stafdal verður opið alla dagana um páskana. Allir eru velkomnir á svæðið hvort sem er á skíði, bretti, þotur, sleða eða bara til að njóta útivistar og kíkja í kaffi í skíðaskálanum. Búið er að troða göngubraut og efri lyftan er opin.

Brúarásskóli vann Austurlandsriðil í Skólahreysti í ár en fyrir hönd skólans kepptu Arna Skaftadóttir, Hólmar Logi Ragnarsson, Sigríður Tara Jóhannsdóttir og Styrmir Freyr Benediktsson, varamenn voru Arney Ólöf Arnardóttir og Mikael Helgi Ernuson.

Bæjarstjórn samþykkti og áritaði ársreikning 2016 við seinni umræðu þann 5. apríl 2017. Vakin er athygli á að hann verður nánar kynntur á borgarafundinum í Egilsstaðaskóla þann 10. apríl. Fundurinn hefst klukkan 20.

Bæjarstjórn Fljótsdalshéraðs boðar hér með til almenns borgarafundar í Egilsstaðaskóla mánudaginn 10. apríl klukkan 20:00. Á fundinum verður kynntur ársreikningur sveitarfélagsins fyrir árið 2016 og einnig farið yfir stöðu og horfur í fjármálum sveitarfélagsins.

254. fundur bæjarstjórnar Fljótdalshéraðs verður haldinn í fundarsal bæjarstjórnar miðvikudaginn 5. apríl 2017 og hefst hann klukkan 17:00. Hægt er að fylgjast með fundinum í beinni útsendingu á netinu með því að fara inn á vefsvæði sem heitir Bæjarstjórn í beinni. Þar er einnig hægt að skoða upptökur af síðustu fundum.

Í byrjun marsmánaðar var námskeið á vegum Okkar eigin og KrakkaRÚV í upptöku- og útvarpsþáttagerð í Sláturhúsinu, menningarsetri á Egilsstöðum. Námskeiðið var haldið í samstarfi við Sláturhúsið en því stjórnaði Sigyn Blöndal og efnið sem varð til á námskeiðinu verður notað til flutnings í Útvarps stundinni okkar á Rás 1.

Íbúum Fljótsdalshéraðs fjölgaði um 50 milli áranna 2016 og 2017, eða um 1.45% og voru alls 3.493 1. janúar 2017. Í þéttbýlinu á Egilsstöðum og Fellabæ voru íbúarnir 2.797 1. janúar.

Framundan er árleg vinna við endurskoðun sóknaráætlunar Austurlands og að venju eru allir íbúar hvattir til að taka þátt í þessu mikilvæga verkefni. Haldnir verða þrír fundir sem hverfast um meginkafla sóknaráætlunar.

Svæðistónleikar Nótunnar, uppskeruhátíðar tónlistarskólanna, voru haldnir í Egilsstaðakirkju um síðustu helgi. Tvennir tónleikar fóru fram og voru atriði í grunnnámsflokki á þeim fyrri, en atriði í miðnáms- framhaldsnáms- og opnum flokki á þeim síðari. Sjö atriði hlutu þátttökurétt á Nótunni sem haldinn verður í Hörpu þann 2.apríl, þar af tvö frá Tónlistarskólanum á Egilsstöðum.