Fréttir

Minjastofnun Íslands friðlýsir Handverks- og hússtjórnarskólann á Hallormsstað. Friðlýsingin nær til ytra borðs skólahússins ásamt upprunalegum innréttingum í vefstofu, skrifstofu skólastjóra, anddyri og svokallaðri Höll.

Guðrún Frímannsdóttir, félagsmálastjóri Félagsþjónustu Fljótsdalshéraðs, ásamt starfsfólki tók nýverið við viðurkenningunni Mannauður ársins frá Ólafi Þór Ævarssyni, geðlækni og öðrum sérfræðingum Forvarna að viðstaddri Eygló Harðardóttir félags- og húsnæðismálaráðherra. Forvarnir er fyrirtæki sem sérhæfir sig í sálfélagslegri vinnuvernd og forvörnum gegn streitu og kulnun í starfi.

Upplýsingar um námskeið og tómstundastarf fyrir börn og unglinga sem haldin verða nú í vetur á vegum nokkurra aðila eru aðgengilegar á heimasíðu Fljótsdalshéraðs

Þjóðleikur er leiklistarhátíð ungs fólks sem er haldin annað hvert ár og fer nú fram í fimmta sinn. Verkefnið er samstarfsverkefni Þjóðleikhússins, menningarráða og fleiri aðila á landsbyggðinni. Hvaða hópur ungmenna sem er getur tekið þátt í þeim landshlutum þar sem verkefnið er í boði. Þrjú glæný leikrit hafa verið skrifuð sérstaklega fyrir Þjóðleik. Umsóknarfrestur hópa um að fá að vera með rennur út 30. september

Skotæfingasvæði á Eyvindarárdal, Fljótsdalshéraði er lokað 24. september allan daginn vegna smalamennsku.

Námskeið um ábyrgð byggingastjóra verður haldið á Reyðarfirði föstudaginn 30. september og laugardaginn 1. október. Námskeiðið sem haldið er í samvinnu við Mannvirkjastofnun verður í húsnæði Austurbrúar, Búðareyri 1.

Stuttur kynningarfundur um starfsemi félagsmiðstöðvarinnar Nýungar verður haldinn annað kvöld, þriðjudaginn 20. september. Fundurinn er fyrir foreldra barna á unglingastigi í grunnskólum á Fljótsdalshéraði.

243. fundur bæjarstjórnar Fljótdalshéraðs verður haldinn í fundarsal bæjarstjórnar, þriðjudaginn 20. september 2016 og hefst hann klukkan 17:00. Hægt er að fylgjast með fundinum í beinni útsendingu á netinu með því að fara inn á vefsvæði sem heitir Bæjarstjórn í beinni. Þar er einnig hægt að skoða upptökur af síðustu fundum.

Finnskt ungbarnaleikhús heimsækir Sláturhúsið á laugardag með sýningu sem var frumsýnd í Edinborgarhúsinu á Ísafirði 2014. Sýningin sem nefnist "Ég hlusta á vindinn" er finnsk/íslensk sýning sérsniðinn að ungbörnum.

Fíkniefnafræðsla, með áherslu á notkun og áhrif fíkniefna á andlega og líkamlega heilsu ungs fólks, verður haldinn í Menntaskólanum á Egilsstöðum á laugardag. Fræðslan er sérstaklega ætluð foreldrum/forráðamönnum, starfsfólki stofnanna og þjálfurum barna og ungmenna.