Fréttir

Nú um mánaðamótin júlí/ágúst urðu stjórnendaskipti í Fellaskóla. Sverrir Gestsson lætur af störfum sem skólastjóri og Þórhalla Sigmundsdóttir tekur við. Þá er Jón Gunnar Axelsson sem var aðstoðarskólastjóri fluttur til Reykjavíkur og við starfi hans tekur Hjördís Marta Óskarsdóttir

Hjólreiðakeppnin Tour de Ormurinn fer fram laugardaginn 11. ágúst. Þetta er í sjöunda sinn sem keppnin er haldin. Tour de Ormurinn er skemmtilegur viðburður sem haldinn er í dásamlega fallegu umhverfi og er metnaður lagður í að umgjörð keppninnar sýni austfirska menningu, sögu og náttúru.

Laugardaginn 28. júlí 2018 fór fram hið árlega Urriðavatnssund, en sundið er hluti af Landvættaröðinni og hefur verið haldið síðan 2013. Metþátttaka var í sundinu í ár, 171 skráður en 159 luku keppni. Fljótastur karla var Hákon Jónsson á 40:21 en Hafdís Sigurðardóttir fyrst kvenna á 42:51.

Í síðustu viku var dreifibréf sent í öll hús á Fljótsdalshéraði þar sem vakin er athygli á myndlistarsýningunni Nr. 2 Umhverfing sem haldin er þremur byggingum á Egilsstöðum; Hjúkrunarheimilinu Dyngju, Safnahúsinu og Sláturhúsinu menningarsetri. Hér er um að ræða samsýningu 38 myndlistarmanna sem tengdir eru Fljótsdalshéraði með einum eða öðrum hætti. Ókeypis er á sýninguna.

Nýlega gengu í gildi ný lög um persónuvernd, sem kalla á mikla vinnu hjá sveitarfélögum og fyrirtækjum við að skrá og skipuleggja alla ferla um meðferð persónuupplýsinga. Fljótsdalshérað réð í vor Aron Thorarensen sem verkefnastjóra til að stýra innleiðingarferlinu og hafa yfirumsjón með verkefninu hjá sveitarfélaginu, meðan það stendur yfir. Hann mun einnig sjá um sambærilega vinnu fyrir sveitarfélögin Djúpavogshrepp, Fljótsdalshrepp, Seyðisfjarðarkaupstað og Borgarfjarðarhrepp.

Á fundi bæjarstjórnar 6. júní var samþykkt að sumarlokun bæjarskrifstofunnar 2018 verði frá og með mánudeginum 23. júlí, til og með föstudeginum 3. ágúst.

Fulltrúar Fljótsdalshéraðs, Seyðisfjarðarkaupstaðar og Íslenska Gámafélagsins skrifuðu þann 19. júlí undir samning um jarðgerð á lífrænum heimilisúrgangi sem fellur til á Fljótsdalshéraði og á Seyðisfirði.

Í nokkur ár hefur Fljótsdalshérað verið hluti Saman-hópsins, en aðalmarkmið þess hóps er að auka samstarf fólks sem vinnur að forvörnum. Skilaboðum hópsins hefur frá stofnun verið komið á framfæri í fjölmiðlum, með umræðum og auglýsingum, en hópurinn leggur áherslu á að starf hans skili sér til allrar landsbyggðarinnar.

Líflegum íþróttadögum lauk á Fljótsdalshéraði í sunnudag, en um helgina var bæði Íslandsmót utanhúss í bogfimi og Sumarhátíð UÍA. Að auki var keppt í knattspyrnu bæði á Vilhjálmsvelli og á Fellavelli. Allt saman fór þetta að sjálfsögðu fram í rjómablíðu.

Á fundi bæjarstjórnar 4. júlí samþykkti hún að sumarleyfi bæjarstjórnar 2018 verði frá og með 5. júlí og til og með 13. ágúst. Fyrsti fundur bæjarstjórnar eftir sumarleyfi verður 22. ágúst, þó svo að hefðbundinn fundartími bæjarstjórnar ætti að vera 15. ágúst.