Fréttir

Á bæjarstjórnarfundi rétt í þessu voru veittar viðurkenningar þeirri konu og þeim karli sem hlutu titlana Íþróttakona og Íþróttakarl Fljótsdalshéraðs 2019. Voru það Lísbet Eva Halldórsdóttir fimleikakona og Gabríel Arnarsson kraftlyftingamaður sem hlutu titlana.

306. fundur bæjarstjórnar Fljótdalshéraðs verður haldinn í fundarsal bæjarstjórnar miðvikudaginn 15. janúar 2020og hefst hann klukkan 17:00. Hægt er að fylgjast með fundinum í beinni útsendingu á netinu með því að fara inn á vefsvæði sem heitir Bæjarstjórn í beinni. Þar er einnig hægt að skoða upptökur af síðustu fundum.

Námskeið í íslensku hjá Austurbrú hefjast í janúar. - Icelandic courses start in January. - Islandzki rozpoczynają się kursy w styczniu.

Rekstrarfélag Hattar tekur að sér að hirða upp jólatré á Egilsstöðum og í Fellabæ og á Eiðum og Hallormsstað í þessari viku. Fólki er bent á að setja trén við götuna/bílastæðið til að auðvelda störf þeirra sem koma og sækja trén.

Á fundi bæjarráðs Fljótsdalshéraðs, mánudaginn 6. janúar, var tveggja einstaklinga sem féllu frá yfir hátíðarnar minnst með þakklæti og söknuði. Þetta voru Björn Magni Björnsson sem lengi starfaði hjá sveitarfélaginu við akstursþjónustu og Vilhjálmur Einarsson, fyrrverandi skólameistari Menntaskólans á Egilsstöðum. Vilhjálmur verður jarðsunginn í Reykjavík á föstudag en sýnt verður frá útförinni í Valaskjálf.

Viðtalstímar kjörinna fulltrúa og starfsfólks stjórnsýslu Fljótsdalshéraðs í Samfélagssmiðjunni að Miðvangi 31 (þar sem Fóðurblandan var), verða í janúar með eftirfarandi hætti, á fimmtudögum, milli klukkan 12 og 18. Samfélagssmiðjunni er ætlað að vera vettvangur íbúa sveitarfélagsins til að koma sínum hugmyndum og athugasemdum á framfæri

Þrettándagleði Hattar og Fljótsdalshéraðs verður haldin í Lómatjarnargarði á Egilsstöðum mánudaginn 6. janúar. Þar verður íþróttafólki Hattar ársins 2019 veittar viðurkenningar auk þess sem starfsmerki Hattar verða afhent, lúðrasveitin leikur nokkur lög og að lokum sér Björgunarsveitin á Héraði um glæsilega flugeldasýningu.

Nýlega var vefsíðan Náttúrumæraskrá Fljótsdalshéraðs færð í nýjan og aðgengilegri búning. Náttúrumæraskrána tók Helgi Hallgrímsson náttúrufræðingur á Egilsstöðum saman fyrst árið 1998 í tengslum við gerð svæðisskipulags og endurskoðaði hana síðan 2007-2008 í tengslum við gerð aðalskipulags fyrir Fljótsdalshérað.

Áramótabrennan sem haldin er í samstarfi Björgunarsveitarinnar Hérað og Fljótsdalshéraðs verður á Egilsstaðanesi 31. desember. Kveikt verður í brennunni klukkan 16:30 og flugeldasýningin hefst klukkan 17:00. Tónlistarflutningur og von er á óvæntum gestum ofan úr fjöllum.

Stofnfundur félagsins Hinsegin Austurlands var haldinn þann 28. desember 2019 en tilgangur félagsins er, samkvæmt samþykktum þess, að vera stuðnings- og fræðslusamtök fyrir hinsegin fólk á Austurlandi, þar á meðal samkynhneigða, tvíkynhneigða, transfólk, intersex og annarra sem skilgreina sig hinsegin, auk aðstandenda þeirra og velunnara.