Fréttir

Nytjahús Rauðakrossins á Egilsstöðum flytur sig um set frá Lyngásnum og upp í Dynskóga 4, þar sem verslunin Skógar voru áður til húsa. Nytjahúsið verður opnað á nýjum stað laugardaginn 30. janúar.

Íbúar Fljótsdalshéraðs eru hvattir til að skrá lögheimili sitt til samræmis við heimilisfesti og hvar viðkomandi einstaklingur eða fjölskyldur þiggja sína þjónustu. Þjónusta sveitarfélagsins byggir á útsvarstekjum sem þau fá af skráðum íbúum.

Við sameiningu félagmiðstöðvanna Afreks og Nýungar í haust var rætt um að hugsanlega færi fram nafnabreyting á nýrri og sameinaðri félagsmiðstöð. Nú hefur verið ákveðið að efna til nafnasamkeppni þar sem unglingar á Fljótsdalshéraði fá tækifæri til að koma með tillögur að nafni félagsmiðstöðvarinnar.

Sjálfboðaliðar frá Rauða krossinum á Héraði og Borgarfirði og Soroptimistaklúbbi Austurlands verða á Bókasafni Héraðsbúa á þriðjudögum frá klukkan 17.15 til 18.30 fram á vor 2016. Þeir eru tilbúnir í spjall við fólk, sem er með annað móðurmál en íslensku, að aðstoða það við að skilja íslenskt mál og tjá sig.

230. fundur bæjarstjórnar Fljótdalshéraðs verður haldinn í fundarsal bæjarstjórnar, miðvikudaginn 20. janúar 2016 og hefst hann kl. 17.00.

Þorrinn nálgast með þorrablótum með sinni sérstöku matarmenningu, gríni og gleði. Heyrst hefur að á Fljótsdalshéraði verði að venju allnokkur blót.

Nægur snjór er á skíðasvæðinu í Stafdal og er vetrarstarfið að komast í gang eftir jólin. Opnunartími veltur þó á veðri hverju sinni.

Jólatré íbúa á Egilsstöðum, Eiðum, Hallormsstað og í Fellabæ, verða fjarlægð mánudaginn 11. janúar að því tilskyldu að þau séu vel sýnileg og við lóðamörk. Þá eru íbúar minntir á að tína upp flugeldaleifar og koma þeim á viðeigandi förgungarstaði.

Þrettándagleði Fljótsdalshéraðs og Hattar fór fram með hefðbundnu sniði í fallegu vetrarveðri, með kyndlagöngu, brennu, söng og flugeldasýningu Íþróttamaður Hattar var valinn í 28. sinn og veitt voru starfsmerki Hattar.

Vegna fyrirhugaðrar endurskoðunar á deiliskipulagi miðbæjar Egilsstaða er íbúum á miðbæjarsvæði gefinn kostur á að beina fyrirspurnum og ábendinum til umhverfis- og skipulagsfulltrúa bæjarins.