Fréttir

Fimleikadeild Hattar á Fljótsdalshéraði fór helgina 20.-22. maí á Selfoss og tók þátt í Subway-Íslandsmót FSÍ. Fimleikadeildin mætti þangað með 6 keppnislið, alls 60 þátttakendur, en keppendur á mótinu voru 1100.

239. fundur bæjarstjórnar Fljótdalshéraðs verður haldinn í fundarsal bæjarstjórnar, miðvikudaginn 1.júní 2016 og hefst hann kl. 17.00. Klukkan 16:00 taka þeir bæjarfulltrúar sem eiga þess kost á móti Útsvarsliði Fljótsdalshéraðs.

Dagana 6.-24. júní verður börnum á aldrinum 10-12 ára boðið að taka þátt í spennandi sumarnámskeiði sem verður á vegum félagsmiðstöðvarinnar Nýungar. Námskeiðið fer fram í Nýung og víðar og er frá 09:00 til 12:30 virka daga.

Starfsmenn Alcoa og fjölskyldur þeirra ásamt Hattarfólki unnu að tiltekt og snyrtingu skógarsvæðisins við Vilhjálmsvöll laugardaginn 21. maí. Alls voru það 25 manns. Fljótsdalshérað þakkar öllu þessu fólki kærlega fyrir þeirra góða framlag við snyrtingu Vilhjálmsvallar.

Ráðstefnan Auðlindir og atvinnumál var haldin á vegum Fljótsdalshéraðs, í Valaskjálf þann 12. maí 2016 . Erindin sem flutt voru á ráðstefnunni, sem og pallborðsumræður, voru tekin upp og er nú hægt að nálgast í mynd og með hljóði.

Þau Björg, Hrólfur og Þorsteinn sigruðu lið Reykjavíkur í úrslitaviðureign í kvöld með 79 stigum gegn 66 eftir æsispennandi keppni, þar sem úrslitin réðust ekki fyrr en á lokaspurningunni.

Í Tónlistarsumarbúðunum er boðið upp á fimm daga dvöl fyrir börn á aldrinum 10-16 ára. Fyrra námskeiðið frá 3. til 8.ágúst er fyrir 13 - 16 ára en það seinna frá 10. til 15. ágúst fyrir 9 - 12 ára. Áhersla er á tónlist, útivist og ánægjulega samveru.

238. fundur bæjarstjórnar Fljótdalshéraðs verður haldinn í fundarsal bæjarstjórnar, miðvikudaginn 18. maí 2016 og hefst hann kl. 17.00. Hægt er að fylgjast með fundinum í beinni útsendingu á netinu með því að fara inn á vefsvæði sem heitir Bæjarstjórn í beinni.

List án landamæra á Austurlandi verður hleypt af stokkunum í Sláturhúsinu á Egilsstöðum laugardaginn 14. maí klukkan 14.

Bæjarstjórn Fljótsdalshéraðs tekur undir með bæjarráði og ítrekar fyrri bókanir um að Alþingi samþykki hið fyrsta samgönguáætlun til fjögurra ára. Bæjarstjórn lýsir hins vegar yfir þungum áhyggjum af því að í núverandi drögum að samgönguáætlun, vantar gífurlega fjármuni til þess að standa með eðlilegum hætti að viðhaldi og uppbyggingu núverandi samgöngukerfis landsins.