Fréttir

Messað er í flestum kirkjum í prestakallinu um bænadaga og páska. Passíusálmar verða lesnir, börn fermd og boðið verður upp á kirkjugöngur.

Milos Sofrenovic, dansari og danshöfundur, dvelur um þessar mundir í Kaffistofunni, listamannaíbúð Sláturhúsins, á vegum Menningarmiðstöðvar Fljótsdalshéraðs. Milos er ættaður frá Serbíu, lærði í Englandi en býr í Austurríki og vinnur um allan heim. Milos heldur námskeið fyrir nemendur LungA skólans á Seyðisfirði og unga leikara á Egilsstöðum, auk þess sem hann heldur fyrirlestur fyrir nemendur listnámsbrautar Menntaskólans á Egilsstöðum.

Tónlistarskólinn á Egilsstöðum sendi fjögur atriði á svæðistónleika fyrir Nótuna 2016 sem haldnir voru í Hofi á Akureyri föstudaginn 11. mars. Eitt atriðanna var valið til að taka þátt í lokatónleikum Nótunnar sem haldnir verða í Reykjavík. Og það verður Kristófer Gauti Þórhallsson sem fer og spilar í Hörpunni þann 10. apríl.

Auglýst er eftir skólastjóra við Egilsstaðaskóla frá og með næsta skólaári.

Auglýst er eftir sumarstarfsmönnum til að sinna grasslætti og rakstri á opnum svæðum sveitarfélagsins og sinna umhirðu og tilfallandi verkefnum á Vilhjálmsvelli og Fellavelli.

Vegna framkominnar fyrirspurnar auglýsir Fljótsdalshéraða hér með til sölu gamla íbúðarhúsið á Hólshjáleigu í Hjaltastaðaþinghá. Íbúðarhúsið er um 45 fermetrar að stærð, en ekki hefur verið búið í því í rúma þrjá áratugi.

Skipulag leikskólastarfs á Fljótsdalshéraði fyrir skólaárið 2016-2017 fer fram í apríl. Mikilvægt er að umsóknir um leikskóla hafi borist sveitarfélaginu í síðasta lagi 31. mars 2016.

234. fundur bæjarstjórnar Fljótdalshéraðs verður haldinn í fundarsal bæjarstjórnar, miðvikudaginn 16. mars 2016 og hefst hann kl. 17.00.

Fríða Rún Þórðardóttir, afrekshlaupari og næringarfræðingur, sækir Egilsstaði heim næstkomandi föstudag. Fríða stendur, í samstarfi við Hlaupahérana og UÍA, fyrir hlaupaæfingu og fyrirlestri þann dag kl. 17.30.

Námskeið í „Haraldinum“, á vegum Improv Ísland, verður haldið í Sláturhúsinu, menningarsetri á Egilsstöðum 11. til 13. mars. Á námskeiðum Improv Ísland kynnast þátttakendur grunninum í langspunaforminu Haraldinum, sem er ein þeirra aðferða sem spunaleikhópurinn vinnur eftir. Tvö námskeið eru í boði. Annað er fyrir alla 16 ára og eldri en hitt er fyrir unglinga í 8.-10. bekk.