Fréttir

Skógardagurinn mikli verður haldinn í Mörkinni Hallormsstað laugardaginn 22. júní. Margt verður í boði m.a. Íslandsmeistaramótið í skógarhöggi, skógarhlaup og skemmtiskokk, tónlist og leikir. Ekki má svo gleyma heilgrilluðu nauti, lambakjöti og öðru matarkyns.

Þann 17. júní voru Menningarverðlaun Fljótsdalshéraðs veitt í fyrsta sinn. Hlutverk verðlaunanna er vera hvatning til eflingar á menningar- og listastarfi í sveitarfélaginu. Í vor var auglýst eftir ábendingum til verðlaunanna og á fundi sínum 11. júní komst atvinnu- og menningarnefnd einróma að þeirri niðurstöðu að Torvald Gjerde skuli hljóta Menningarverðlaun Fljótsdalshéraðs 2019.

Samfélagssmiðjan að Miðvangi 31 (í gamla Blómabæ) verður opin í dag, þriðjudaginn 18. júní 2019 frá klukkan 15:00-18:00. Á staðnum, til skrafs og ráðagerða, verða Freyr Ævarsson, verkefnastjóri umhverfismála, og Stefán Bogi Sveinsson, forseti bæjarstjórnar.

Sveitarstjórnir Borgarfjarðarhrepps, Djúpavogshrepps, Fljótsdalshéraðs og Seyðisfjarðarkaupstaðar hafa tekið álit samstarfsnefndar um tillögu um sameiningu sveitarfélaganna til fyrri umræðu og vísað því til síðari umræðu. Álit samstarfsnefndarinnar er að fram skuli fara atkvæðagreiðsla meðal íbúa sveitarfélaganna um sameiningu sveitarfélaganna fjögurra í eitt.

Dagskrá Þjóðhátíðardags Íslendinga, þann 17. júní, fer fram á Fljótsdalshéraði að mestu í Tjarnargarðinum á Egilsstöðum, eins og undanfarin ár. Einnig verða opnaðar tvær nýjar sýningar í Sláturhúsinu menningarsetri og í Minjasafni Austurlands verður opið þennan dag.

Í Hreyfivikunni 2019 deildi Ungmennafélagið Þristur frábæru útivistar- og náttúrubingói á Facebook. Á bingóspjaldinu eru hugmyndir að því hvernig hægt er að krydda gönguferðir og útivist með litlum áskorunum, t.d. froskahoppum, fjölskyldusjálfu og trjáfaðmi.

Opnun samfélagssmiðju að Miðvangi 31 (í gamla Blómabæ) verður í dag, þriðjudaginn 11. júní 2019 klukkan 15. Opið verður til klukkan 18. Léttar veitingar í boði. Samfélagssmiðjunni er ætlað að vera vettvangur íbúa sveitarfélagsins til að koma sínum hugmyndum og athugasemdum á framfæri. Þar verða starfsfólk og kjörnir fulltrúar til skrafs og ráðagerða. Að auki verður þar fundarými og laust pláss fyrir hvers konar viðburði.

Líkt og verið hefur undanfarin ár er Sumarsýning Menningarmiðstöðvar Fljótsdalshéraðs 2019 í Sláturhúsinu á Egilsstöðum tvískipt og opnar hún þann 17. júní.

Þessa dagana er verið að breyta „Blómabæjarhúsinu“, gömlu gróðurhúsi nálægt miðbæ Egilsstaða, í nokkurs konar samfélagssmiðju. Smiðjunni er ætlað að vera vettvangur íbúa sveitarfélagsins til að koma sínum hugmyndum og athugasemdum á framfæri.

Sumaráætlun almenningssamgangna á Fljótsdalshéraði hefur tekið gildi.