Fréttir

Ragnhildur Ásvaldsdóttir hefur verið ráðin forstöðumaður Menningarmiðstöðvar Fljótsdalshéraðs. Ragnhildur er með MA gráðu í hagnýtri menningarmiðlun og B.A. próf í kvikmyndagerð

Í samræmi við 1. mgr. 43. gr. skipulagslaga nr. 123/2010, er auglýst tillaga að breytingu á deiliskipulagi á Fljótsdalshéraði. Á fundi bæjarráðs Fljótsdalshéraðs þann 1. júlí 2019 var samþykkt að auglýsa tillögu að breytingu á deiliskipulagi fyrir miðbæ Egilsstaða.

Sveitarstjórnir Borgarfjarðarhrepps, Djúpavogshrepps, Fljótsdalshéraðs og Seyðisfjarðarkaupstaðar hafa samþykkt tillögu samstarfsnefndar um að íbúar fái tækifæri til að kjósa um tillögu um sameiningu sveitarfélaganna þann 26. október næstkomandi.

Sumarið 2019 standa Fjarðabyggð og Fljótsdalshérað að Skapandi sumarstörfum, samvinnuverkefni sveitarfélaganna sem miðar að því að ráða til starfa einstaklinga og hópa sem hafa áhuga á að efla listsköpun sína og um leið glæða sveitarfélögin lífi með listrænum og skapandi uppákomum.

Eins og undanfarin ár skarta nokkrir gluggar og veggir á fjölförnum stöðum á Egilsstöðum og í Fellabæ ljóðum og kvæðum. Nú er nýlokið uppsetningu nýrra ljóða og að þessu sinni var leitað til nemenda Menntaskólans á Egilsstöðum, sem fengist hafa við ljóðagerð, að taka þátt í verkefninu. Það er gert í tilefni þess að á árinu er haldið upp á 40 ára afmæli skólans.

Tour de Ormurinn hjólreiðakeppni fer fram laugardaginn 10. ágúst á Fljótsdalshéraði og í Fljótsdalshreppi. Keppnin hóf göngu sína árið 2012 og hefur keppandafjöldi farið stigvaxandi síðan þá en þátttökumet var slegið í fyrra!

Hin árlega Sólstöðuganga Ferðafélags Fljótsdalshéraðs verður farin í Stapavík föstudaginn 21. júní, kl. 20.00. Mæting er við hús Ferðafélagsins að Tjarnarási 8 á Egilsstöðum. Þaðan er ekið að Unaósi. Gengið er frá bílastæði og út með Selfljóti.

Bæjarstjórn Fljótsdalshéraðs tók í gær, 19.júní, til síðari umræðu framlagðar tillögur samstarfsnefndar um sameiningu sveitarfélaganna Borgarfjarðarhrepps, Fljótsdalshéraðs, Seyðisfjarðarkaupstaðar og Djúpavogshrepps.

Stjórn Ungmenna- og íþróttasambands Austurlands hefur ákveðið að fella niður skráningargjöld fyrir þátttakendur af sambandssvæðinu á Landsmót UMFÍ 50 ára og eldri sem haldið verður í Neskaupstað 28. – 30. júní næstkomandi. Undirbúningi mótsins miðar vel.

Opið hús í Samfélagssmiðju vegna tillögu að endurskoðun aðalskipulags fyrir hluta Grundar á Jökuldal