Yfirlit frétta

Dagana 21. og 22. febrúar verða sýndar franskar kvikmyndir í Sláturhúsinu menningarsetri á Egilsstöðum. Sýningarnar eru haldnar í framhaldi af Franskri kvikmyndahátíð sem fram fór í Reykjavík 6.-17. febrúar, í nítjánda sinn. Sendiherra Frakka á Íslandi, Graham Paul, verður viðstaddur fyrri sýninguna í Sláturhúsinu. Sýndar verða tvær kvikmyndir, sem heita Litli bóndinn og Sjúklingur. Báðar sýningarnar hefjast klukkan 19:30.

Sunnudaginn 10. febrúar síðastliðinn fór fram vel heppnað gönguskíðanámskeið á vegum ungmennafélagsins Þristar og gönguskíðahópsins Snæhéra. Þristur hafði frumkvæði að því að halda örnámskeið á gönguskíðum í samstarfi við Snæhérana. Námskeiðið var tilvalið fyrir bæði algjöra byrjendur og eins þá sem vildu hressa upp á tæknina.

289. fundur bæjarstjórnar Fljótdalshéraðs verður haldinn í fundarsal bæjarstjórnar miðvikudaginn 20. febrúar 2019 og hefst hann klukkan 17:00. Hægt er að fylgjast með fundinum í beinni útsendingu á netinu með því að fara inn á vefsvæði sem heitir Bæjarstjórn í beinni. Þar er einnig hægt að skoða upptökur af síðustu fundum.

Þegar snjóar líkt og gert hefur síðustu daga er bráðnauðsynlegt að við hjálpumst öll að í umferðinni. Skyggni er gjarnan slæmt, háir skaflar og veggir hafa myndast víða og aðstæður verða þannig að ekki er alltaf hægt að stöðva ökutæki á augabragði eða bregðast hratt við. Eins eru gangstéttar ekki alltaf ruddar um leið og göturnar, sem kallar á aukinn fjölda gangandi vegfaranda á götunum.

Að undanförnu hefur verið nokkuð lífleg umræða bæði í fjölmiðlum og á samfélagsmiðlum sem rekja má til áforma Fljótsdalshéraðs um föngun villikatta dagana 18. febrúar til 8. mars nk.

Alliance Française í Reykjavík og franska sendiráðið á Íslandi, í samstarfi við Institut français kynna franska kvikmyndahátíð, sem er nú haldin í nítjánda sinn. Menningarmiðstöð Fljótsdalshéraðs tekur þátt í hátíðinni í ár og sýnir tvær kvikmyndir í bíósal Sláturhússinn Menningarseturs.

Sýnum samstöðu með þolendum kynbundins ofbeldis! Dansbyltingin Milljarður rís fer fram í Íþróttamiðstöðinni á Egilsstöðum þann 14. febrúar klukkan 12:15-13.00. Þetta er í sjöunda sinn sem viðburðurinn er haldinn hér á landi og fólk kemur saman og dansar fyrir heimi þar sem allir fá að njóta sömu tækifæra án ótta við ofbeldi.

Ástarljóð í Sláturhúsinu í tilefni af degi elskenda þann 14. febrúar. Austfirsk skáld og lesarar flytja ástaróði og boðið verður upp á kaffi og súkkulaði.

Dagana 18. febrúar til og með 8. mars standa Fljótsdalshérað og Heilbrigðiseftirlit Austurlands fyrir föngun ómerktra katta á Egilsstöðum og í Fellabæ.

Að venju glöddu elstu leikskólabörnin á leikskólanum Tjarnarskógi starfsfólk bæjarskrifstofunnar með nærveru sinni á degi leikskólans, 6. febrúar. Í þetta sinn er elsti árgangur leikskólans svo fjölmennur að hópunum var tvískipt svo hægt væri finna sæti fyrir þau öll í bæjarstjórnarsalnum þar sem bæjarstjóri og fræðslustjóri tóku á móti hópunum.