Yfirlit frétta

Árviss áramótabrenna á Fljótsdalshéraði fer fram á nesinu neðan og vestan við kirkjuna og menntaskólann á Egilsstöðum. Eldur verður borinn að brennunni kl. 16.30. Stuttu síðar, eða kl. 17.00, verður boðið upp á veglega flugeldasýningu í umsjón Björgunarsveitarinnar á Héraði.

Fljótsdalshérað óskar öllum íbúum og starfsmönnum sveitarfélagsins gleðilegra jóla, farsældar á komandi ári og þakkar samstarfið á árinu sem er að líða.

Hið árlega jólaball sem haldið er á vegum Lionsklúbbsins Múla og Fljótsdalshéraðs verður í íþróttahúsinu í Fellabæ fimmtudaginn 27. desember klukkan 17 til 19.

Helgihald um jól og áramót í Egilsstaðaprestakalli

Íþróttamiðstöðin á Egilsstöðum verður opin yfir jól og áramót sem hér segir: Þorláksmessa 23. desember, opið Aðfangadagur 24. desember, lokað

Bæjarskrifstofur Fljótsdalshéraðs verða lokaðar á aðfangadag 24. desember og gamlársdag 31. desember. Opið verður aðra virka daga um hátíðarnar á hefðbundnum tíma.

Grýla og hyski hennar heiðra okkur með nærveru sinni restina af desember í stóra glugganum í Sláturhúsinu menningarsetri á Egilsstöðum. Ekki eru allir jólasveinar með í för enda uppteknir mjög en Leiðindaskjóða er með og líka hann Rauðhöfði!

Héraðsþrek og CrossFit Austur skrifa undir yfirlýsingu þar sem notkun stera og annarra ólöglegra frammistöðubætandi efna er fordæmd. Í vikunni var send út yfirlýsing þar sem hópur fyrirtækja í heilsu- og líkamsræktarstarfsemi þar sem notkun frammistöðubætandi efna er fordæmd. Vilja Héraðsþrek og CrossFit Austur, með því að kvitta undir yfirlýsinguna, gefa þau skýru skilaboð að notkun stera og annarra ólöglegra efna sé ekki það sem heilsurækt og heilsuefling á Fljótsdalshéraði stendur fyrir.

SAMAN-hópurinn hvetur foreldra og forráðafólk til að njóta samvista með börnum sínum í desember. Nú þegar undirbúningur jólahátíðarinnar er hafinn minna fulltrúar SAMAN-hópsins á að samvera með fjölskyldunni er mikilvægasta forvörnin.

Á fundi bæjarstjórnar Fljótsdalshéraðs þann 5. desember 2018 var staðfest tillaga íþrótta- og tómstundanefndar um hækkun gjaldskrár Íþróttamiðstöðvarinnar á Egilsstöðum.