Fréttir

Áfallateymi Austurlands stendur fyrir opnum fundi í Kirkju- og menningarmiðstöðinni á Eskifirði, miðvikudagskvöldið 21. mars klukkan 20. Elfa Dögg S. Leifsdóttir, sálfræðingur hjá Rauða krossi Íslands, fjallar um áföll og viðbrögð í kjölfar þeirra og þau bjargráð er við eigum og hvernig við hlúum hvert að öðru.

271. fundur bæjarstjórnar Fljótsdalshéraðs verður haldinn í fundarsal bæjarstjórnar, miðvikudaginn 21.mars 2018 og hefst hann kl. 17.00. Hægt er að fylgjast með fundinum í beinni útsendingu á netinu með því að fara inn á vefsvæði sem heitir Bæjarstjórn í beinni. Þar er einnig hægt að skoða upptökur af síðustu fundum.

Nú hefur verið send út skoðanakönnun til íbúa Fljótsdalshéraðs um viðhorf til sameiningar og / eða samvinnu sveitarfélaga og ættu allir íbúar 18 ára og eldri að hafa fengið hana senda, ásamt umslagi til að skila svarinu í.

Komið er að dansbyltingu ársins sem haldin verður í sjötta sinn, föstudaginn 16. mars, á vegum UN Women á Íslandi. Viðburðurinn fer fram víða um land og einnig í íþróttahúsinu á Egilsstöðum milli klukkan 12 og 13. Allir eru hjartanlega velkomnir til að dansa gegn kynbundnu ofbeldi.

Páll Breiðfjörð Pálsson vélaverkfræðingur hefur verið ráðinn framkvæmdastjóri Hitaveitu Egilsstaða og Fella. 22 umsækjendur sóttu um en Capacent hélt utan um ráðningarferlið.

Undanfarna mánuði hefur Minjasafn Austurlands unnið að gerð nýs námsefnis fyrir grunnskóla. Efnið er hugsað sem stuðningur við skólaheimsóknir á safnið.

Fljótsdalshérað boðar til kynningar- og umræðufundar fimmtudaginn 15. mars um möguleika á virkjun vindorku á Út-Héraði. Fundurinn verður haldinn í félagsheimilinu Hjaltalundi og hefst klukkan 13:30.

Um helgina lýkur söfnun á Karolina Fund til gerðar heimildarmyndar um Eiðaskóla, sem starfaði frá árinu 1883 til 1989. Heimildavinna og gagnaöflun eru þegar hafin og handritsskrif eru einnig komin af stað.

Á næstu dögum verður borin í hús skoðanakönnun sem hefur það hlutverk að kanna hug íbúa til frekari samvinnu/sameiningar sveitarfélaga á Austurlandi. Hægt er að skila skoðanakönnuninni á skrifstofu sveitarfélagsins eða póstleggja svarbréfið.

Ársreikningur Fljótsdalshéraðs fyrir árið 2017 lagður fram til fyrri umræðu í bæjarstjórn Fljótsdalshéraðs þann 7. mars 2018 samþykktur og áritaður af bæjarráði og bæjarstjóra. Samkvæmt sveitarstjórnalögum skal fjalla um ársreikninginn á tveimur fundum í sveitarstjórn og er áætlað að síðari umræða fari fram miðvikudaginn 21. mars 2018.