Heilsueflandi fréttir

Snemma sumars samþykkti bæjarstjórn nýja æskulýðsstefnu sveitarfélagsins sem hafði verið í vinnslu í eitt ár. Æskulýðsstefnan leggur áherslu á að börn og ungmenni búi við góða líkamlega og andlega heilsu og hagsmunir þeirra séu hvarvetna í fyrirrúmi.

Minnt er á að útivistartími barna og unglinga breytist 1. september. Í barnaverndarlögum segir að börn, 12 ára og yngri, megi ekki vera á almannafæri eftir klukkan 20:00 nema í fylgd með fullorðnum. Einnig að börn á aldrinum 13 til 16 ára, skuli ekki vera á almannafæri eftir klukkan 22:00, séu þau ekki á heimferð frá viðurkenndri skóla-, íþrótta- eða æskulýðssamkomu.

Vikuna 12. – 17. ágúst verður íbúum á Austurlandi boðið upp á heilsufarsmælingar á vegum SÍBS Líf og heilsu. Á Fljótsdalshéraði verða heilsufarsmælingar á Heilsugæslustöðinni á Egilsstöðum frá klukkan 9:00 til 15:00 fimmtudaginn 16. ágúst. Ekki þarf að panta tíma, eingöngu mæta í Heilsugæslustöðina og taka númer.

Sumaráætlun almenningssamgangna á Fljótsdalshéraði tekur gildi mánudaginn 4. júní. Það er eins og áður fyrirtækið Sæti ehf. sem sér um ferðirnar.

Nóg að gera um helgina á Hreyfiviku: Rathlaup í Selskógi, frísbígolfstuð í Tjarnargarðinum, WOD og FIT í CrossFit Austur, Partíspinning og sundleikfimi í Íþróttahúsinu og Ferðafélagið fer í Húsey á laugardag og Skálanes á sunnudag.

Vel var mætt í fjölskyldugöngu upp að Fardagafossi mánudagskvöldið 28. maí, en það var Ungmennafélagið Þristur sem stóð fyrir þeim viðburði.

Mánudagurinn 28. maí er fyrsti formlegi dagur Hreyfiviku 2018, þó svo að vikunni hafi verið þjófstartað með Gönguguðsþjónustu í gærmorgun.

Í næstu viku, 28. maí – 3. júní, verður haldin árleg Hreyfivika UMFÍ. Venju samkvæmt er Hreyfivika, sem hefur það markmið að vekja athygli á gildi íþrótta- og hreyfingar sem hluti af heilbrigðum lífsstíl, haldin um allt land og á Fljótsdalshéraði verður vegleg dagskrá, líkt og hefur verið síðustu ár.

Helgina 19.-20. maí býður Ungmennafélagið Þristur Héraðsbúa, nærsveitunga og alla áhugasama velkomna á frisbígolfnámskeið í Tjarnargarðinum á Egilsstöðum. Á námskeiðunum verða kennd undirstöðuatriði, og öll helstu trixin, í frisbígolfi.

Nú þegar sumarið nálgast óðfluga er ekki úr vegi að benda á allt það frábæra tómstundastarf sem fer fram á Fljótsdalshéraði. Upplýsingar um tómstundastarf og ýmis konar námskeið sem haldin verða í sumar fyrir börn og ungmenni eru nú aðgengilegar á heimasíðu sveitarfélagsins en í ár ættu allir að finna eitthvað við sitt hæfi.