Yfirlit frétta

Á sameiginlegum fundi bæjarráða Fljótsdalshéraðs og Seyðisfjarðarkaupstaðar, sem haldinn var mánudaginn 26. ágúst 2019, voru fulltrúar sveitarfélaganna sammála um að fagna beri því að niðurstaða starfshóps um legu og framkvæmdafyrirkomulag næstu jarðganga á Austurlandi liggi fyrir sem og því að sú niðurstaða skuli vera í fullu samræmi við áherslur sveitarfélaganna á Austurlandi sem ítrekað hafa komið fram í ályktunum aðalfunda samtaka sveitarfélaga á Austurlandi.

299. fundur bæjarstjórnar Fljótdalshéraðs verður haldinn í fundarsal bæjarstjórnar miðvikudaginn 4. september 2019 og hefst hann klukkan 17:00. Hægt er að fylgjast með fundinum í beinni útsendingu á netinu með því að fara inn á vefsvæði sem heitir Bæjarstjórn í beinni. Þar er einnig hægt að skoða upptökur af síðustu fundum.

Aðalsteinn Þórhallsson hefur verið ráðinn framkvæmdastjóri HEF og mun taka til starfa frá og með 1. október nk. HEF er sjálfstætt fyrirtæki í fullri eigu Fljótsdalshéraðs og auk hitaveitu, rekur HEF vatnsveitu- og fráveitukerfi Fljótsdalshéraðs. Þá hefur HEF nýlega tekið að sér að sjá um lagninu ljósleiðara á Fljótsdalshéraði.

298. fundur bæjarstjórnar Fljótdalshéraðs verður haldinn í fundarsal bæjarstjórnar miðvikudaginn 21. ágúst 2019 og hefst hann klukkan 17:00. Hægt er að fylgjast með fundinum í beinni útsendingu á netinu með því að fara inn á vefsvæði sem heitir Bæjarstjórn í beinni. Þar er einnig hægt að skoða upptökur af síðustu fundum.

Þann 22. ágúst næstkomandi stendur heilbrigðisráðherra fyrir opnum kynningarfundi um heilbrigðisstefnu í heilbrigðisumdæmi Austurlands í samvinnu við HSA. Fundurinn verður haldinn í Valaskjálf á Egilsstöðum og stendur frá klukkan 17 til 19.

Þann 12. ágúst sl. gaf Jafnréttisstofa út heimild til handa Fljótsdalshéraði til að nota jafnlaunamerkið sem þau fyrirtæki og stofnanir mega gera sem fengið hafa jafnlaunavottun hjá þar til bærum aðilum

Í framhaldi af því að Stefán Bragason, skrifstofu- og starfsmannastjóri, óskaði eftir því að minnka starfshlutfall sitt frá og með byrjun ágústmánaðar í ár hefur verið ákveðið að gera eftirfarandi breytingar á stjórnskipulagi sveitarfélagsins.

Á næstu dögum mun fólk frá Blakdeild Hugins og fimleika- og körfuboltadeild Hattar ganga í hús á Seyðisfirði og á Egilsstöðum og Fellabæ til þess að safna undirskriftum til stuðnings Fjarðarheiðargöngum. Óskað verður eftir því að 18 ára og eldri riti nafn sitt undir áskorun bæjarstjórnar Seyðisfjarðarkaupstaðar.

Tour de Ormurinn hjólreiðakeppnin, sem haldin hefur verið frá árinu 2012 á Fljótsdalshéraði og í Fljótsdalshreppi, fer að þessu sinni fram laugardaginn 10. ágúst og eru rás- og endamark á Egilsstöðum. Hægt er að skrá sig í keppnina til 9. ágúst.

Nú er Hálslón orðið fullt og Jökulsá komin á yfirfall. Má því ætla að hún haldi sínum gamalkunna jökullit eitthvað fram eftir hausti, eða þar til innrennsli í lónið nær jafnvægi. Íbúar og ferðamenn eru beðnir um að hafa þetta í huga á ferðum sínum við Jölulsá á Dal.