Fréttir

273. fundur bæjarstjórnar Fljótsdalshéraðs verður haldinn í fundarsal bæjarstjórnar, miðvikudaginn 18. apríl 2018 og hefst hann klukkan 17. Hægt er að fylgjast með fundinum í beinni útsendingu á netinu með því að fara inn á vefsvæði sem heitir Bæjarstjórn í beinni. Þar er einnig hægt að skoða upptökur af síðustu fundum.

Menningarmiðstöð Fljótsdalshéraðs hyggst standa fyrir sýningu á leikföngum, gömlum, nýrri og nýjum, í Sláturhúsinu í sumar. Sýnd verða leikföng í eigu Minjasafns Austurlands auk lánsgripa í einkaeigu.

Rokkbúðir fyrir 12 til 16 ára verða haldnar í fyrsta sinn á Egilsstöðum, í samstarfi við námskeiðaröð Menningarmiðstöðvar Fljótsdalshéraðs, ,,Stelpur skapa”. Búðirnar fara fram í Sláturhúsinu á Egilsstöðum helgina 27.-29. apríl.

Á fimmtudag fer fram Ungmennaþing í Menntaskólanum á Egilsstöðum. Skipuleggjendur þingsins eru meðlimir ungmennaráðs Fljótsdalshéraðs. Áhersla þingsins í ár er geðheilbrigði ungs fólks á Austurlandi.

Greinargerð um fræðasetur Jóns lærða og nýtingu læknishúsinu á Hjaltastað og Hjaltalundi hefur verið lögð fram.

Boðað er til samveru á sal í Fellaskóla þriðjudagsmorguninn 10. apríl klukkan 8:15. Í um klukkustund gefst nemendum, starfsfólki, foreldrum og öðrum áhugasömum kostur á að velta fyrir sér æskilegu fyrirkomulagi á símanotkun í Fellaskóla.

Félagsþjónustur Fljótsdalshéraðs og Fjarðabyggðar vekja athygli á rétti fólks til að sækja um styrki skv. reglugerð nr. 550/1994 um styrki vegna námskostnaðar og verkfæra- og tækjakaupa fyrir fatlað fólk

Mánudaginn 9. apríl klukkan 20:00 verður fræðslufyrirlestur fyrir foreldra í Egilsstaðaskóla. Sjúk ást er verkefni á vegum Stígamóta og miðar að því að fræða ungmenni um heilbrigð og óheilbrigð sambönd og samskipti og ofbeldi af ýmsu tagi.

Stofnun rannsóknasetra Háskóla Íslands auglýsir til umsóknar starf forstöðumanns Rannsóknaseturs Háskóla Íslands á Austurlandi, sem jafnframt er starf sérfræðings. Stofnun Rannsóknasetra Háskóla Íslands hyggst koma að nýju á fót Rannsóknasetri Háskóla Íslands á Austurlandi sem starfaði þar á árunum 2008 til 2010.