Yfirlit frétta

Tekin hefur verið í notkun ný virkni á heimasíðu sveitarfélagsins þannig að nú er hægt að vakta einstök mál sem birtast í fundargerðum nefnda, bæjarráðs og bæjarstjórnar Fljótsdalshéraðs.

Í nóvember bjó áhugafólk um skautaiðkun á Egilsstöðum til skautasvell við Blómabæ. Þar renndi fólk sér undanfarnar helgar þar til hlákan kom og skemmdi gleðina, en nú er svellið orðið jafn gott og það verður hægt að renna sér um helgina.

Leikskólinn Hádegishöfði í Fellabæ tók á móti grænfánanum í fimmta sinn föstudaginn 29. nóvember. Verkefnin sem unnið var að á þessu tímabili voru neysla og úrgangur ásamt átthögum og landslagi.

Á fundi bæjarstjórnar 4. desember sl. samþykkir bæjarstjórn að fundir bæjarstjórnar 18. desember og 1. janúar verði felldir niður vegna jólaleyfis.

305. fundur bæjarstjórnar Fljótdalshéraðs verður haldinn í fundarsal bæjarstjórnar miðvikudaginn 4. desember 2019 og hefst hann klukkan 17:00. Hægt er að fylgjast með fundinum í beinni útsendingu á netinu með því að fara inn á vefsvæði sem heitir Bæjarstjórn í beinni. Þar er einnig hægt að skoða upptökur af síðustu fundum.

Viðtalstímar kjörinna fulltrúa og starfsfólks stjórnsýslu Fljótsdalshéraðs í Samfélagssmiðjunni að Miðvangi 31 (þar sem Fóðurblandan var), verða í desember á fimmtudögum, milli klukkan 12 og 18. Samfélagssmiðjunni er ætlað að vera vettvangur íbúa sveitarfélagsins til að koma sínum hugmyndum og athugasemdum á framfæri. Þar verða starfsfólk og kjörnir fulltrúar til skrafs og ráðagerða, alltaf með heitt á könnunni.

Hægt að sækja um tómstundaframlag ársins 2019 til 10. desember. Application deadline for contribution to children‘s leisure activities in Fljótsdalshérað is December 10th.

Tillaga að breyting á deiliskipulagi vegna áforma um vindorkunýtingu við Lagarfossvirkjun og nágrenni. Deiliskipulagslýsing er sett fyrir breytingu á deiliskipulagi á iðnaðarsvæði Lagarfossvirkjunar (I3). Lýsingin er unnin í samræmi við 1.mgr. 43. gr. skipulagslaga nr. 123/2010 og 2. mgr. 6. gr. laga nr. 105/2006 um umhverfismat áætlana.

Undirbúningsstjórn sem vinnur að innleiðingu sameinaðs sveitarfélags leggur áherslu á að sameiningarferlið verði gagnsætt og upplýsingar aðgengilegar um verkefnin framundan. Því var haldinn fundur með starfsmönnum bæjarskrifstofu og stjórnendum þann 20. nóvember. Staða verkefnis var kynnt og innt eftir væntingum starfsmanna. Áætlað er að eiga samráð við aðra starfsmenn í upphafi nýs árs.

Sveitarstjórnir Borgarfjarðarhrepps, Djúpavogshrepps, Fljótsdalshéraðs og Seyðisfjarðarkaupstaðar hafa skipað undirbúningsstjórn sem skal undirbúa stofnun nýs sveitarfélags. Íbúar sveitarfélaganna samþykktu sameiningu sveitarfélaganna með afgerandi hætti þann 26. október síðastliðinn. Áætlað er að kosið verði til nýrrar sveitarstjórnar eftir páska og að nýtt sveitarfélag taki til starfa í lok apríl eða byrjun maí. Fram að þeim tíma starfa sveitarfélögin fjögur eins og verið hefur.