Fréttir

Eitt nýtt smit kom upp á Austurlandi síðastliðin sólarhring og þau þá átta talsins í heildina. Hinn smitaði var í sóttkví þegar hann greindist. Fjöldi þeirra sem eru í sóttkví fækkar enn í fjórðungnum, eru 27 en voru 31 í gær.

Að tillögu bæjarráðs samþykkti bæjarstjórn Fljótsdalshéraðs á fundi sínum 1. apríl sl. að eindagi fasteignagjalda vegna apríl og maí 2020 verði þannig: Gjalddagi 1. apríl verði með eindaga í lok nóvember 2020. Gjalddagi 1. maí verði með eindaga í lok desember 2020.

Af þeim sjö sem smitast hafa af COVID-19 á Austurlandi eru tveir nú komnir úr einangrun. Engin ný smit hafa komið upp undanfarna sjö sólarhringa. Í sóttkví eru 31 og fækkar því um sjö frá í gær.

Félagsmálaráðuneytið, heilbrigðisráðuneytið og Embætti landlæknis hafa tekið höndum saman við útgáfu góðra ráða til foreldra á tímum COVID-19 faraldursins. Foreldraráðin eru meðal annars unnin í samstarfi við Alþjóðaheilbrigðismálastofnunina (WHO) og UNICEF.

Staða mála er enn óbreytt á Austurlandi hvað smit varðar, sjö eru í einangrun og hefur ekki fjölgað síðastliðna sex sólarhringa. Engin ný smit hafa komið upp. 38 eru í sóttkví og fækkað um 16 frá í gær.

Sjö eru enn í einangrun á Austurlandi smitaðir af COVID-19 veirunni. Engin ný smit hafa komið upp síðastliðna fimm sólarhringa. Í sóttkví eru 54 og þeim því fækkað um 22 frá í gær.

Enn er leyfilegt að ganga og hlaupa á hlaupabrautinni á Vilhjálmsvelli. Í dag voru sett upp skilti við völlinn þar sem fólk er minnt á að fara í einu og öllu eftir þeim tilmælum sem Almannavarnir gefa út. Sýnum hvert öðru tillitsemi og virðingu, virðum 2 metra regluna og söfnumst ekki saman í hópum á vellinum.

Skógræktin ruddi fleiri leiðir um Hallormsstaðaskóg fyrir helgi til að fólk geti valið um gönguleiðir. Einnig er búið að gera síðu þar sem kemur fram hvaða leiðir í skóginum eru færar til göngu og þar mun koma inn smá saman þegar fleiri leiðir verða færar.

Gámafélagið vill koma á framfæri að í dag mánudaginn 6. apríl verða brúnu tunnurnar tæmdar í dag í Fellabæ og á Egilsstöðum. Íbúar eru því beðnir um að hafa tunnurnar aðgengilegar.

Enn eru sjö í einangrun vegna COVID-19 smits á Austurlandi og hefur því ekki fjölgað síðastliðna fjóra sólarhringa. Engin ný smit hafa komið upp. Í sóttkví eru 76 og því fækkun um fimm frá í gær.