Fréttir

Kosið verður til sveitarstjórnar Sameinaðs sveitarfélags Borgarfjarðarhrepps, Djúpavogshrepps, Fljótsdalshéraðs og Seyðisfjarðarkaupstaðar þann 18. apríl næstkomandi. Kjósa skal ellefu fulltrúa í sveitarstjórn hins sameinaða sveitarfélags, auk átta fulltrúa og átta til vara með beinni kosningu í fjórar heimastjórnir sveitarfélagsins. Frestur til að skila inn framboðum vegna kosninganna rennur út á hádegi laugardaginn 28. mars nk.

Breytingar hafa orðið á gjaldskrá Skíðasvæðisins í Stafdal. Er nú frítt fyrir öll börn á Skíðasvæðið í Stafdal, 17 ára og yngri, sem búsett eru á Seyðisfirði og Fljótsdalshéraði. Árgjald fullorðinna hefur lækkað verulega og er einstaklingskort á 15.000 krónur og parakort á 25.000 krónur. Skíðasvæðið er opið alla virka daga nema mánudaga frá klukkan 17 til 20. Á laugardögum er opið frá klukkan 11 til 16 og sunnudögum frá klukkan 10 til 16.

Nafnanefnd hefur óskað eftir umsögn Örnefnanefndar um 17 hugmyndir að nöfnum á nýja sveitarfélaginu. Heitin nota tiltekna forliði og eftirliði. • Óskað er umsagnar um forliðina Austur-, Eystri-, Eystra-, Dreka-, og Múla-. • Óskað er umsagnar um eftirliðina -byggð, -byggðir, -þing, og -þinghá. • Þá er óskað umsagnar um heitið Sveitarfélagið Austri.

Fljótsdalshérað hefur tekið í notkun skráningarkerfið Nóra og verður það notað til að halda utan um úthlutun tómstundaframlags sveitarfélagsins. Fljótsdalshérað has started using the Nóri registration system and it will be used to manage the contribution to children‘s leisure activities in the municipality.

Nafnanefnd auglýsti eftir hugmyndum að nýju nafni á sameinað sveitarfélag. Frestur til að skila tillögum var til 7. febrúar. Alls bárust 112 tillögur með 62 hugmyndum að nöfnum á nýtt sveitarfélag.

Dansbyltingin Milljarður rís fer fram í Menntaskólanum á Egilsstöðum þann 17. febrúar klukkan 12:15-13:00. Þetta er í áttunda sinn sem viðburðurinn er haldinn hér á landi og fólk á öllum aldri kemur saman og dansar fyrir heimi þar sem allir, óháð kyni og kynhneigð, njóta sömu tækifæra án ótta við ofbeldi.

Þann 10. febrúar 2020 skrifuðu Ásmundur Einar Daðason, félags- og barnamálaráðherra, og Björn Ingimarsson, bæjarstjóri Fljótsdalshéraðs, undir samning þess efnis að Fljótsdalshérað verði tilraunasveitarfélag varðandi innleiðingu á SES - Samvinna eftir skilnað.

Bæjarstjórn Fljótsdalshéraðs samþykkti þann 5. febrúar 2020 að auglýsa að nýju tillögu að breytingu á deiliskipulagi flugvallar á Egilsstöðum, skv. 41. gr. skipulagslaga nr. 123/2010. Deiliskipulagið hefur áður fengið málsmeðferð skv. 43. gr. skipulagslaga nr. 123/2010, og munu allar þær athugasemdir sem áður hafa borist, verða teknar til athugunar og þeim svarað sem um nýjar athugasemdir sé að ræða.

Viðtalstímar kjörinna fulltrúa og starfsfólks stjórnsýslu Fljótsdalshéraðs í Samfélagssmiðjunni að Miðvangi 31 (þar sem Fóðurblandan var), verða í febrúar með eftirfarandi hætti, á fimmtudögum, milli klukkan 14 og 18. Samfélagssmiðjunni er ætlað að vera vettvangur íbúa sveitarfélagsins til að koma sínum hugmyndum og athugasemdum á framfæri. Þar verða starfsfólk og kjörnir fulltrúar til skrafs og ráðagerða, alltaf með heitt á könnunni.

307. fundur bæjarstjórnar Fljótdalshéraðs verður haldinn í fundarsal bæjarstjórnar miðvikudaginn 5. febrúar 2020 og hefst hann klukkan 17:00. Hægt er að fylgjast með fundinum í beinni útsendingu á netinu með því að fara inn á vefsvæði sem heitir Bæjarstjórn í beinni. Þar er einnig hægt að skoða upptökur af síðustu fundum.