Yfirlit frétta

Dagur leikskólans er 6. febrúar ár hvert. Þar sem þann dag bar upp á laugardag í þetta sinn var dagsins minnst í leikskólum Fljótsdalshéraðs föstudaginn 5. febrúar.

Á fundi atvinnu- og menningarnefndar Fljótsdalshéraðs 25. janúar var samþykkt að styrkja 19 menningarverkefni, en umsóknarfrestur var til og með 18. desember 2015. Alls bárust 29 umsóknir með beiðni um styrki að upphæð rúmar 10 milljónir. Til úthlutunar voru kr. 3.500.000.

Leikfélag Menntaskólans á Egilsstöðum frumsýnir leikritið „Eldhús eftir máli“ á morgun, fimmtudaginn 4. febrúar. Leikritið er byggt á smásögum Svövu Jakobsdóttur en leikgerðina skrifaði Vala Þórsdóttir. Leikstjóri sýningarinnar er Halldóra Malin Pétursdóttir.

Út er komið fréttabréf Tónlistarskólans á Egilsstöðum. Í því er sagt stuttlega frá viðburðarríku starfi skólans á haustönn og sagt frá því hvað sé framundan á vorönn.

231. fundur bæjarstjórnar Fljótdalshéraðs verður haldinn í fundarsal bæjarstjórnar, miðvikudaginn 3. febrúar 2016 og hefst hann kl. 17.00. Hægt er að fylgjast með fundinum í beinni útsendingu á netinu með því að fara inn á vefsvæði sem heitir Bæjarstjórn í beinni. Þar er einnig hægt að skoða upptökur af síðustu fundum.

Álagningu fasteignagjalda Fljótsdalshéraðs fyrir árið 2016 er lokið. Líkt og á síðasta ári mun sveitarfélagið Fljótsdalshérað einungis senda út útprentaða álagningarseðla vegna fasteignagjalda 2016 til greiðenda 67 ára og eldri og lögaðila. Álagningarseðlana verður hins vegar hægt að sjá í íbúagátt á heimasíðu sveitarfélagsins, hafi fólk skráð sig þar og eigi virkt lykilorð.

Fulltrúar Fljótsdalshéraðs, Fljótsdalshrepps, Seyðisfjarðarkaupstaðar og Íslenska Gámafélagsins hafa skrifað undir samning um sorphirðu á Héraði og Seyðisfirði sem gildir til september 2023

Þorrinn var afhentur í 19. sinn á þorrablóti Egilsstaða á bóndadag, föstudaginn 22. janúar 2016, en sú hefð er komin á að hver þorrablótnefnd velur einhvern sem með vinnu sinni hefur gert samfélaginu gagn sem eftir er tekið. Í ár hlutu gripinn Þórhallur Þorsteinsson og Dagný Pálsdóttir.

Nytjahús Rauðakrossins á Egilsstöðum flytur sig um set frá Lyngásnum og upp í Dynskóga 4, þar sem verslunin Skógar voru áður til húsa. Nytjahúsið verður opnað á nýjum stað laugardaginn 30. janúar.

Íbúar Fljótsdalshéraðs eru hvattir til að skrá lögheimili sitt til samræmis við heimilisfesti og hvar viðkomandi einstaklingur eða fjölskyldur þiggja sína þjónustu. Þjónusta sveitarfélagsins byggir á útsvarstekjum sem þau fá af skráðum íbúum.