Yfirlit frétta

Þriðja umferð Íslandsmótsins í torfæru fer fram á Mýnesi, sex kílómetra fyrir norðan Egilsstaði, dagana 30. júní og 1. júlí. Um leið fer fram Norðurlandamót FIA/NEZ. Alls eru 26 keppendur skráðir til leiks. Búast má við skemmtilegri keppni enda er veðurspáin góð fyrir helgina. Keppni hefst klukkan 13 báða dagana.

Nú á þriðjudaginn halda fjórir ungir hjólreiðakappar, úr ungmennafélaginu Þristi, af stað í WOW cyclothon en það er hjólreiðakeppni þar sem hringvegurinn er hjólaður eða alls 1358 km.

Skógardagurinn mikli verður haldinn með hefðbundnu sniði laugardaginn 23. júní. Þetta er fjórtánda árið sem hátíðin er haldin í Trjásafninu á Hallormsstað. Veðurspáin er fín og því verður gaman að njóta alls þess sem í boði verður í skóginum.

Málefnasamningur D- og B-lista á Fljótsdalshéraði var undirritaður í Sláturhúsinu, menningarsetri á Egilsstöðum síðdegis í dag. Í samningnum er staðfest að listarnir myndi saman meirihluta í bæjarstjórn Fljótsdalshéraðs, kjörtímabilið 2018-2022.

Um helgina, dagana 23. og 24. júní, fer fram á Vilhjálmsvelli Meistaramót Íslands í frjálsum íþróttum, fyrir aldurinn 11 til 14 ára. Mótið er haldið undir merkjum ÚÍA og með styrkri stjórn Frjálsíþróttadeildar Hattar.

277. fundur bæjarstjórnar Fljótdalshéraðs verður haldinn í fundarsal bæjarstjórnar miðvikudaginn 20. júní 2018 og hefst hann klukkan 17:00. Hægt er að fylgjast með fundinum í beinni útsendingu á netinu með því að fara inn á vefsvæði sem heitir Bæjarstjórn í beinni. Þar er einnig hægt að skoða upptökur af síðustu fundum.

Dagskrá Þjóðhátíðardags Íslendinga, þann 17. júní, fer fram á Fljótsdalshéraði í Tjarnargarðinum á Egilsstöðum, eins og undan farin ár. Þá verða opnaðar þrjár nýjar sýningar í Sláturhúsinu menningarsetri og í Safnahúsinu á Egilsstöðum. Þetta eru sýningarnar Nr. 2 Umhverfing, Austfirskt fullveldi – sjálfbært fullveldi? og Gull og gersemar.

Minnum á Sumarfjör 2018, en fjölbreytt framboð er á tómstundum fyrir börn og ungmenni á Fljótsdalshéraði í sumar. Við hvetjum alla til að kynna sér það sem í boði er.

Tónleikaröðin Tónlistarstundir á Héraði hefjast á þriðjudagskvöld í Egilsstaðkirkju með orgeltónleikum. Haldnir verða sex tónleikar, fjórir í Egilsstaðakirkju og tveir í Vallaneskirkju.

Á fundi umhverfis- og framkvæmdanefndar 23. maí 2018 var Eyþóri Hannessyni veitt viðurkenning frá sveitarfélaginu fyrir hugsjónastarf hans við hreinsun svæða í og við þéttbýlið á Egilsstöðum og Fellabæ. Bæjarstjórn tekur undir með umhverfis- og framkvæmdanefnd og þakkar Eyþóri Hannessyni óeigingjarnt starf hans í þágu samfélagsins.