Vinabæjarheimsókn frá Færeyjum

62 manna hópur frá Runavík kemur í heimsókn til Egilsstaða í dag, miðvikudaginn 4. maí. Hópurinn samanstendur af fötluðu fólki og starfsfólki þeim til aðstoðar. Nokkrir úr hópnum ætla í heimsóknir í Stólpa og einnig í sambýlið að Bláargeerði.

Boccia leikur verður í íþróttahúsinu í Fellabæ fyrir gestina, sem fá þar tækifæri til að glíma við heimamenn, áður en haldið verður í Hlymsdali þar sem tekið verður á móti hópnum með veitingum, söng og öðru því sem glatt getur hugann.