Vel heppnaður Hrafnkelsdagur

Hrafnkelsdagur var haldinn að Aðalbóli í Jökuldal laugardaginn 6. ágúst. Um 45 manns á öllum aldri tóku þátt í ýmsu sem í boði var þennan dag. Leiðsögumaður var Páll Pálsson sem vakti hrifningu og áhuga rútuferðalanga á leiðinni á leiðinni inn Fljótsdal og yfir í Hrafnkelsdal og flestir úr rútunni nýttu sér tækifærið til að ganga síðasta spölinn í Aðalból.

Á Aðalbóli sýndi Leikfélagið Fljótsdalshéraðs skemmtilegan þátt um raunir og grobb Hrafnkels freysgoða. Gestum var boðið upp á prófa fornan knattleik, glímur, hornskinnuleik, hnefatafl og kennd tökin við vattarsaum.

Húsráðendur buðu upp á Faxasteik og Áslaug Sigurgestsdóttir og Sigríður Þorvaldsdóttir kváðu stemmur við eldinn á kvöldvökunni og flestir tóku nokkur dansspor.

Hefð er fyrir að halda Hrafnkelsdag, viku fyrr eða laugardag um verslunarmannahelgi, en sú undantekning var gerð í ár að færa hann til vegna landsmótsins.