Þjóðhátíðardagurinn haldinn hátíðlegur í Tjarnargarðinum

Mikið verður um að vera á Egilsstöðum 16. og 17. júní, á Þjóðhátíðardegi Íslands. Fjölskylduhátíð verður í Tjarnargarðinum síðdegis mánudaginn 16. júní, þar sem Leikhópurinn Lotta mun sýna leikritið Hrói Höttur í boði Tannlæknastofu Austurlands og VHE klukkan 18.00. Á þjóðhátíðardaginn sjálfan verður einnig margt um að vera og ættu allir að finna sér eitthvað við sitt hæfi. Til dæmis verður boðið upp á andlitsmálningu, legósamkeppni, hoppukastala, kassabílarallý og þá er glæsileg hátíðardagskrá sem lýkur með hinni árlegu fimleikasýningu Fimleikadeildar Hattar. Dagskrána má finna í heild sinni hér.