SamFestingur 2014

Eldsnemma í morgun, föstudaginn 7. mars, hélt hópur ungmenna frá Fljótsdalshéraði til Reykjavíkur til þess að vera viðstödd hátíðina "SamFestingur 2014" en sú hátíð er stærsti viðburður ársins sem Samfés heldur og talið er að allt að 4500-5000 unglingar komi þar saman. Hátíðin er í tveimur hlutum og byrjar með risaballi sem haldið er í Laugardalshöll þar sem allar helstu hljómsveitir koma fram, þar á meðal Páll Óskar, Retro Stefson og Kaleo.

Á laugardeginum er svo söngvakeppni Samfés. Í ár getur Fljótsdalshérað státað af 2 flottum fulltrúum í þeirri keppni. Embla Ósk Tjörvadóttir syngur þar fyrir hönd Nýungar og Jóhanna Malen Skúladóttir fyrir hönd Afreks. Ása Jónsdóttir spilar undir á fiðlu hjá Jóhönnu Malen.

Bent er sérstaklega á að keppnin verður sýnd í opinni dagskrá á Popptíví á laugardag en keppnin hefst klukkan 13.00.