Ráðherra kynnir áform um Hálendisþjóðgarð

Myndin er fengin af Fésbókarsíðu ráðuneytisins.

Umhverfis- og auðlindaráðherra, Guðmundur Ingi Guðbrandsson, kynnir áform um stofnun Hálendisþjóðgarðs á opnum fundi á Hótel Héraði, Egilsstöðum fimmtudaginn 5. mars klukkan 20:00. Fundurinn er sá síðasti af átta í röð kynningarfunda vítt og breitt um landið.

Á fundinum fer ráðherra m.a. yfir forsendur og markmið með stofnun Hálendisþjóðgarðs og kynna helstu atriði frumvarps þar að lútandi sem hann hyggst mæla fyrir á Alþingi síðar í mánuðinum.
Um er að ræða fund sem fresta þurfti í tvígang í janúar sl. vegna umhleypinga í veðri.

Fundurinn er öllum opinn og fer fram í fundarsal Icelandair Hótels Héraðs.

Á heimasíðu umhverfis- og auðlindaráðuneytisins er að finna algengar spurningar og svör við þeim um Hálendisþjóðgarð.