Óskað eftir ábendingum til menningarverðlauna

Við bakka Eyvindarár. Mynd: Auður Bjarnadóttir

Menningarverðlaun Fljótsdalshéraðs verða í annað sinn veitt 17. júní á þessu ári. Verðlaunin eru veitt einstaklingi, stofnun eða samtökum sem viðurkenning fyrir eftirtektarvert framtak á sviði lista og menningar á liðnu ári. Hlutverk verðlaunanna er einnig að vera almenn hvatning til eflingar á menningar- og listastarfi í sveitarfélaginu.

Heimilt er við sérstakar aðstæður að veita verðlaunin aðila sem ekki á lögheimili í sveitarfélaginu, enda tengist hann sveitarfélaginu með skýrum hætti.

Hér með er óskað eftir ábendingum til menningarverðlaunanna. Þær sendist, með rökstuðningi, á skrifstofustjóra Fljótsdalshéraðs á netfangið odinn@egilsstadir.is fyrir 7. maí 2020.

Atvinnu- og menningarnefnd Fljótsdalshéraðs