Föstudagur 13. og opnað í Stafdal

Yfirlitsmynd af skíðasvæðinu í Stafdal. Hægt er að skoða stærri mynd á http://www.stafdalur.is/

Skíðasvæðið í Stafdal opnar í dag, föstudaginn 13. janúar klukkan 17:00. Fínn snjór er kominn í brekkurnar og búið að troða svæðið. Frítt er á skíðasvæðið í dag eins og alltaf á fyrsta degi opnunar.

Snjór um víða veröld, „World Snow Day,“ verður haldinn hátíðlegur sunnudaginn 15. janúar á átta skíðasvæðum víðs vegar um landið og þar á meðal í Stafdalnum. Tilgangurinn með deginum er að hvetja foreldra til að koma með börnin í fjöllin og njóta þar hollrar útivistar í óspilltri náttúru. Í tilefni dagsins fá allir krakkar frítt á skíði í Stafdal. Leikjabraut verður opin og heitt kakó í boði til að ylja sér við.

Upplýsingar um skíðasvæðið í Stafdal má finna á http://stafdalur.is