Breyting á áætlunarferðum um Austurland

Eftir áramót hefjast áætlunarferðir milli átta byggðakjarna á Austurlandi, í kjölfar þess að SSA hefur tekið við sérleyfum af Vegagerðinni.

Miðstöð kerfisins og skiptistöð verður á Reyðarfirði og þaðan liggja leiðir í þrjár áttir, til Eskifjarðar og Neskaupstaðar, til Fáskrúðsfjarðar, Stöðvarfjarðar og Breiðdalsvíkur og sú þriðja er til Egilsstaða og Fellabæjar.

Þjónustan er gjaldfrí fyrir börn yngri en 16 ára en notendur sem eru 16 ára og eldri þurfa kaupa miða eða mánaðarkort fyrirfram. Ekki verður hægt að greiða fargjald til bílstjóra í rútu.

Þetta er tilraunaverkefni til eins árs. Akstur Fjarðabyggðar, stór hluti af akstri Alcoa Fjarðaáls, flugvallarakstur og sérleyfisakstur SSA fellur undir leiðakerfið. Kerfið verður þróað áfram í samvinnu við notendur.