Auglýst eftir umsóknum úr Atvinnumálasjóði Fljótsdalshéraðs

Atvinnumálasjóður Fljótsdalshéraðs auglýsir styrki. Umsóknarfrestur er til og með 16. janúar.

Auglýstir eru til umsóknar styrkir úr Atvinnumálasjóði Fljótsdalshéraðs, með umsóknarfresti til og með 16. janúar 2019. 

Markmið sjóðsins er að efla atvinnutengda starfsemi og búsetu á Fljótsdalshéraði og er honum ætlað að ná tilgangi sínum m.a. með því að veita styrki til verkefna einstaklinga, fyrirtækja og stofnana er lúta að atvinnusköpun og atvinnuþróun, hagnýtum rannsóknum og framþróun annarra samfélagsþátta sem áhrif geta haft á atvinnustarfsemi og búsetu í sveitarfélaginu.

Umsækjendur eru hvattir til að kynna sér úthlutunarreglur hér á heimasíðu Fljótsdalshéraðs.

Hægt er að nálgast umsóknareyðublöð fyrir sjóðinn hér, á heimasíðu sveitarfélagsins, eða fá þau afhent á skrifstofu þess.

Umsóknarfrestur er til og með 16. janúar 2019 en umsóknum skal skila á skrifstofu Fljótsdalshéraðs að Lyngási 12, Egilsstöðum, merkt Atvinnumálasjóður eða á netfangið fljotsdalsherad@fljotsdalsherad.is.