Aðgengi fyrir alla á Bókasafn Héraðsbúa

Hjólastólalyfta var sett upp í Safnahúsinu nýverið. Haldinn var lyftufagnaður í Bókasafni Héraðsbúa af því tilefni á fimmudaginn var. Vel var mætt á fagnaðinn.

Í fyrstu opinberu ferðina með lyftunni fóru Kristrún Jónsdóttir (Dúrra), fyrrverandi forstöðumaður bókasafnsins, með tveim barnabörnum sínum, Páll Sigvaldason, formaður menningarnefndar, og María Sverrisdóttir sem lengi hefur beðið eftir aðgengi að safninu. Rúnar Snær Reynisson, fréttamaður RÚV á Austurlandi var á staðnum. Frétt hans má sjá hér – hún byrjar á 2:08. 

Starfsfólk bókasafnsins vill nota tækifærið og þakka gestum fyrir komuna og einnig þeim sem unnu að því að þessum áfanga var náð.