Þriðja lýðheilsugangan verður á Hrafnafell og í Kvíahelli

Safnast verður saman við skrifstofu Ferðafélags Fljótsdalshéraðs að Tjarnarási 8.
Safnast verður saman við skrifstofu Ferðafélags Fljótsdalshéraðs að Tjarnarási 8.

Frábærlega hefur verið mætt í lýðheilsugöngurnar tvær sem gengnar hafa verið í sveitarfélaginu í september. Fyrri gangan var gengin í Taglarétt og sú seinni var söguganga um Egilsstaðabæ.

Í dag verður svo þriðja og næstsíðasta lýðheilsugangan. Gengið verður á Hrafnafell og farið í Kvíahelli.

Að vanda verður mætt við skrifstofu Ferðafélags Fljótsdalshéraðs, að Tjarnarási 8, klukkan 18 og safnast saman í bíla. Göngurnar eru partur af afmælisdagskrá Ferðafélags Íslands og heyrir undir verkefnið Lýðheilsugöngur FÍ.

Eftir gönguna verður heitt á könnunni og eitthvað til að maula á skrifstofu Ferðafélags Fljótsdalshéraðs. Þar verður dregið út í Perluleik félagsins, fullt af flottum vinningum og mikið fjör.

Mælst er til þess að áhugasamir skrái sig á heimasíðu FÍ, bæði til að sýna hversu duglegir Héraðsbúar eru að ganga en eins til að komast í verðlaunapott sem dregið verður úr í lok verkefnisins.