Útsvarsliðið styrkti Ásheima

Útsvarsliðið, Björg Björnsdóttir, Hrólfur Eyjólfsson og Þorsteinn Bergsson ásamt Kristínu Rut Eyjólfsdóttur sem tók við verðlaununum fyrir hönd Ásheima.

Sigurlið Fljótsdalshéraðs í Útsvari gaf verðlaunaféð, 200 þúsund krónur, til geðræktar í heimabyggð. Verðlaunagripurinn, Ómarsbjallan, var afhent sveitarfélaginu formlega til varðveislu í upphafi bæjarstjórnarfundar þann 1.júní þar sem tekið var á móti liðinu og þeim færð blóm og þeim þakkað framlagið.

Sigurlíð Útsvars á ári hverju fær fé frá RÚV til að ráðstafa í þágu góðgerðarmála í heimabyggð. Liðið okkar ákvað að láta verðlaunaféð renna til mann- og geðræktarstöðvarinnar Ásheima og ætlaður í forvarnastarf fyrir ungt fólk sem glímir við geðrænan vanda.

Fyrirhugað er að Ómarsbjallan verði sett upp í afgreiðslu bæjarskrifstofunnar í sumar þar sem heimamenn geta dáðst að gripnum en í vetur fá skólarnir heiðurinn að geyma hana.